Rah ka kur suting ia ka nam lah duh ha ka jingiakop kynjatboll ba la pynlong da ka NSCC

NonghuluShillong, Risaw 15: Ka Nonghulew Sports & Cultural Club kala la pynhap pyrda noh ha ka sngi Saitjain ia ka lympung ialehkai Football jong ka Raid Nonghulew, ha kane ka lympung ialehkai la wan ban iashim bynta da 8 tylli ki kynhun kiba hap hapoh ka Raid Nonghulew, ki kynhun kiba la poi sha ka Final ki long ka Dong Khlieh Shnong Pyrshah ia ka Kur Suting, ha kaba ka Kur Suting kala jop da ka said tang da 1-0 pyrshah ia ka Dong Khlieh Shnong.

La pynhap pyrda noh ia katei ka lympung hapdeng ka jingialang kaba i shongkun ha kaba pynphuh pynphieng ruh da ka jing iashimbynta jong ki 3tylli ki skul kiba don hapoh ka Raid Nonghulew kynthup ia ka Raid Nonghulew UP School, RCLP School Nonghulew bad ka Nonghulew Presbyterian LP School lyngba ki jingrwai bad jingshad tynrai kiba ishongkun. Ha kane ka sngi la ia don ryngkat ruh da u Bah Banteidor Lyngdoh (Bah Pai) MDC Mawkynrew Constituency kum u kongsan.

Haba kren kum u Kongsan ha katei ka sngi na ka liang jong u Bah Banteidor Lyngdoh MDC Mawkynrew Constituency u la ai ka jingiaroh ia ka Ka Nonghulew Sports & Cultural Club kaba la lah ban pynlong ia katei ka Football Tournament kum shibynta ban tehsong ia ka jingiadei bad kumjuh ruh wan wanrah ia ka jing ia tylli hapdeng ki Nong Shong Shnong hapoh jong ka Raid Nonghulew.

Shuh shuh na ka liang jong u Kongsan u la ai khublei kyrpang ruh ia ki Khynnah Skul jong baroh 3 tylli kiba la wan ban ishim bynta ha katei ka sngi. Na ka ling jong u Bah Banteidor Lyngdoh (Bah Pai) u la ai khublei kitbok kitrwiang ruh ia baroh ki kynhun kiba la iashimbynta ha kaba u la ong ruh ba jingialehkai Football ha kane ka juk kaba mynta kamdei shuh tang ka jingialehkai Bangja hynrei kala dei ruh ka Pliang Ja lada ki khun samla ki sngewthuh bad kitkhia ban pynurlong ia ki jingangnud.

Ia jingialang ha katei ka sngi la pyniaid da u Bah Lui Suting, President Nonghulew Sports & Cultural Club, kiwei pat kiba la ai jingkren ha katei ka sngi ki kynthup ia u Bah Timothy Mylliemngap, Secretary Nonghulew Sports & Cultural Club, Bah Rony Roy Suting Headmaster UP School, Kong Therin Nongrum, Bah Shrenlinus Khriam bad kumjuh ruh na u Sordar Shnong Nonghulew u Bah Dwin Suting.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet