Shillong, Nailur 27: Ka Deepshikha Singh, ka kurim jong u heh shipai ba trei ha kane ka snongbah Shillong kaba hikai ruh hapoh jong ka Army Public School kala rah ia ka nam Mrs Galaxy 2017 jong ka Ri India. Kane ka jingiakop thei bhabriew ka long tang ia ki long kmie kiba la shong kurim. Kane ka long kmie kala ioh ruh ia ka nam ba bha briew ki khmat.
Ki nongiashim bynta baroh na baroh kawei ka Ri ki long haduh 4000 ngut bad ha dien ba la jied bad bishar bniah kiba la ioh ban rung sha ka jingiakop ki long 40 ngut bad na kine ki 40 ngut ka Deepshikha Sing kala long ka lah duh ban ioh rah ia kane ka kam Mrs India Galaxy 2017. Da kane ka jingjop kan sa mih khmat ia ka Ri India sha ki jingiakop ha ka rynsan jong ka pyrthei.
Ka phang pdeng jong kane ka jingiakop ka long ban ia leh pyrshah ia ki kam thobor ia ki riew kynthei.Ia kane ka jingiakop la pynlong hapoh jong ka Tivoli Garden Resorts, Chhatarpur ia kaba la sdang naduh ka 16 tarik jong u Nailur bad la pynkut mynta u bnai ha ka jingiadon lang ki riew paw khmat kum u Ginny Kapoor bad Gagandeep Kapoor, kiba long ki Director.
Ha kane ka jingiakop thei bha briew, ki long kum ka jingpyniiala ka jong ka sap, ka jingpynikumno ban sngeh ia ka jingthom bor ia ki kynthei. Ha pdeng ka jingiakop ha ki ba bun rukom ka Deepshikha Singh kala shah jied kum ka nongjop ia katei ka nam thei bha briew ha ka Ri India bad da kane ka jingjop kan sa ioh ban mih khmat ia ka Ri India ha ka jingiakop jong ka pyrthei.
