Shillong, Nailar 15: Ka Pine Mount School kala long la lahduh ia ka march past ha ka jingrakhe Laitluid ba 73rd jong ka Ri mynta u snem ha madan Polo, kaba la wan ba ar ka dei ka Loreto School bad kaba la wan balai ka dei ka St Mary’s School Shillong.
Ia kane ka jingjop jong ki skul la pynbna ha dien ba la dep ka jingleh burom ia ka jingrakhe ia ka sngi laitluid jong ka Ri bad ia ki trophy bad ki certificate la sam da u myntri rangbah ka jylla u Conrad K Sangma sha baroh lai tylli ki skul.
Mynta u snem ki kynhun kiba la ia shim bynta ha ka Match Pass baroh ki long haduh arphew hynreiw tylli, naduh ki shipai haduh ki khynnah skul. Ia kane ka jingbishar mano ba jop ha kane ka match pass ka long tang ia ki skul.
