Rah ka samla Lapynsuk ia ka nam Queen, u samla Iakmenlang ia ka nam King ka KCM 2017

King and queen KCM 2017Shillong, Nohprah 12: Ka Khadsawphra College Mairang (KCM) kala pynlong ia ka taiew lehkmen kaba la sdang ha ka 4 tarik bad la pynhap pyrda ha ka 11 tarik mynta u bnai. Ka jingthmu ban pynlong ia kane ka taiew leh kmen ka long ban lap ia ki sap ki phong jong ki samla pule kiba don ha kane ka college lyngba ki jingialehkai kiba ha rukom.

Ha kane ka taiew leh kmen, la pynlong ia bun jait ki jingialehkai, kum ka Kynjatbol, ka Volleyball, Jingiamareh, ka jingialehkai Table Tennis, ka jingiakop shad, jingiakop rwai bad ha ka sngi kut la pynlong ia ka jingiakop thei bad rang bha briew ia kaba la tip kum ka jingiakop  “King and Queen  Khadsawphra College, 2017.

Ha kane ka jingiakop “Queen Khadsawphra 2017” ia ka nam lah duh la rah da ka samla Lapynsuk Ryntathiang kaba dang pule ia ka Class XI Commerce, ka samla Darisha Wahlang Class XI Arts kala wan ba ar bad ka samla Dasanbaniewkor Wahlang kaba pule BA Second Semester kaba la wan balai ha kane ka jingiakop.

Ha ka jingiakop “King Khadsawphra 2017” ia ka nam lah duh la rah da u samla Iakmenlang Kharphuli Class XII Arts, ia ka nam ba ar la rah da u samla Menaiborlang L Mawnai ba pule BA Second semester bad ia ka nam ba lai la ioh rah da u smla Ryngkotdor Wahlang Class XI Arts.

Ia kane ka taiew lehkmen la plie da u President jong ka College u Bah Lawanpynshngain War, ha ka jingiadon lang u Principal u Babu Boldness Lyngdoh Nongum ryngkat ki Nonghikai jong ka College, ki kmie ki kpa ki riew rangbah jong ka thain.

Ha ka sngi pynhap pyrda ia ka College Week, ka kong R Khongwang Joint Director jong ka DSEL bad ka kong L Syiemlieh, SDSEO, Nongstoin kila long ki kongsan ha kane ka sngi  ia kaba kila sam ia ka khusnam sha ki nongjop jong kane ka jingiakop.

Kiwei kiba la ia don lang ki long u Bah P Syiem, kong Gerandia Marbaniang, kong Jolly War bad ka kong Jasmine Basaiawmoit kiba la long ki Nongbishar ha kane ka jingiakop. Ia kane ka sngi la pynshongshit ruh da ki nongrwai ba paw jong kane ka por ba mynta ka Kong Bateithymmai Nongrum  bad ka kong Dariakor Wahlang. Ia pyniaid ia ka jingiakop bad pynkup burom ia ki nongjop da ka Vice Principal ka kong Aida C War bad ka Nonghikia ka kong Mukabanylla Kharbani.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet