Rai ka CEC jong ka party UDP ba ka lynti rel ban kit mar ka dei ban long tang ha Byrnihat

Shillong, Risaw 30: U President jong ka party United Democratic Party (UDP) u bah Metbah Lyngdoh mynta ka sngi u la iathuh ba ka Central Executive Committee jong ka party kala shim ia ka rai ba ka lynti rel ban kit mar ka dei ban long tang ha Byrnihat.

Haba kren ha ki lat pathai khubor ha dien ka jingialang jong ka CEC, u Bah Metbah u la ong ba kane ka jingialang kaba la long mynta ka sngi kala ia kren halor ka kam pud kam sam, ka lynti rel, ban pynrung ia ka ktien khasi bad Garo ha ka khyrngit kaba phra jong ka Riti Synshar jong ka Ri India.

Kawei ka long ban kyntu ia ka sorkar ba ka dei ban pynjla noh ia ka rta wat kam na ka 32 snem sha ka 37 kumba la leh ia ki kam  nonghikai bad ka jingiakren ka long ruh ban pynkhlain ia ka party na ka bynta ka ilekshon jong u snem 2023.

Ha kane ka jingialang la ia kren ruh ia ka kam ilekshon sha ka GHADC ka ban sa long hapoh ka hynriew bnai, ia kane la aiti ha ki nongialam jong ka party seng kmie bad sha ki District jong ka party ha Garo Hills ban pynkhreh ia kane.

 

 

 

What Next?

Recent Articles

Leave a Reply

Submit Comment

*