Rai ka COMSO ban pyrshah ia ka CAB, dawa ban pyntrei kam noh ia ka ILP ha Jylla

Shillong, Nohprah 11: Ka Jing ialang ba kyrkieh Jong ka COMSO  mynta ka sngi ka la Rai ban pyrshah tyngeh Ia ka citizenship amendment bill 2019 bad ban dawa ban pyntreikam noh mardor ia ka ILP ha ka Jylla Meghalaya. Ka kynhun da lei lei ruh  Kan nym pdiang ba ka Cab 2019  kan treikam ha ka Jylla Meghalaya .

Ki dap da ka Jing sngewsih ba ka sorkar India ka leh kmie nah da kaba pyntreikam Ia ka ILP tang ha Manipur hynrei ia ka Meghalaya kaba la dawa la slem bah Kim pyntreikam bad Kane ka dei ka Jing ibein ia ka jylla Meghalaya hi baroh kawei .

Ka COMSO ka pynem jur ia u Governor Jong ka jylla u bym Shem la ai ka jingmynjur Ia ka MRSSA amendment ordinance 2019  bad ka dawa ba u dei ban soi Noh mardor ia Kane ka Ordinance.

Kum ka dak ka Jing pyrshah ia ka CAB ba kan treikam ha meghalaya  bad ban  dawa pyntreikam noh ia ka ILP ha ka Jylla ka kynhun Kan pynlong Ia ka Jing leit tur Sha ka jaka sah u lat ha shillong (Raj Bhawan ) ha ka 13.12.2019 ha ka por 2.00 pm . Ha Shwa ban leit tur Sha Raj Bhawan ngin ia Lum shwa ha motphran .

Kumta ngi khot ngi wer ia phi baroh ki para Ri bad ngin ia wan Lang ha katei ka sngi . Ngi Kyntu ia ki Dorbar shnong ba phin shim khia lem ban phah Ia ki nong shong shnong ban wan bad Sngewbha iarap lem ban pynbna Sha ki shnong Jong phi .

La Kyntu Ia baroh ki sengbhalang, ki seng longkmie , ki seng samla shnong , ki association bapher Kum ki association ki nong iew , ki nong ngiah kali , ki Seng ki nong hikai , ki student Union Jong ki college bad ki university bapher ba phin Sngewbha ban wan khnang khnang Sha Kane ka jing pyrshah ia ka CAB bad ban dawa ia ka ILP.

Ka COMSO ka Kyntu kyrpang ia ki MP, ki MLA, ki MDC bad ki nongialam ki Seng sain pyrthei ba phin Sngewbha ban wan khnang khnang khem da pep ha katei ka sngi. Kane ka long katkum ka kyrwoh kaba la phah da u bah Lamphrang Kharbani Vice Chairman ka COMSO.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet