Shillong, Nailar 05: Mynta ka sngi ki pulit kila leit ban rah ia u Bernard N Marak sha iing bishar ha dien ba la kut ka phrasngi ka jingai por ka iing bishar Judicial Magistrate First Class (JMFC) Tura ban tohkit da ki pulit.
Na ka liang jong ki pulit kila pan por shuh sa hynriew sngi ban tohkit ia u Bernard N Marak ha kti ki pulit ha kaba ka iing bishar kala pdiang ia kane ka jingpan jong ki pulit ba kin dang tohkit shuh shuh halor ki jingkynnoh kiba la nishan pyrshah ia u.
Ban pynkynmaw ba la ioh ban kem ia u Bernard N Marak da ki pulit jong ka Utter Pradesh bad la leit ban shimti da ki pulit jong ka jylla Meghalaya bad ha dien bala rah sha iing bishar ka iing bishar kala ai ha ki pulit phra sngi ba kin tohkit bad mynta ka sngi kala ai biang sa hynnriew sngi ban tohkit.
Lah ban pynkynmaw ba ki pulit kila kem 73 ngut ki briew na Edenbari Resort bad ha dien kata ki pulit kila phah wan ia u Bernad ha Shillong Sardar Police Station hynrei u la phet bad la pynlong ia ki pulit ban thwet bad la ioh ban kem pat na Utter Pradesh.
