The Prime Minister, Shri Narendra Modi and the Prime Minister of Bangladesh, Ms. Sheikh Hasina, at the Joint Press Statements, at Hyderabad House, in New Delhi on October 05, 2019.
New Delhi, Risaw 05: Ha ka jingiakynduh mynta ka sngi ha nongbah Delhi ha pdeng u Myntri Rangbah duh jong ka Ri India u Narendra Modi bad ka Myntri rangbah duh jong ka ri Bangladesh ka Sheikh Hasina kila ai mynjur ban bthah ia ki shipai ba dei peit ha khappud ban pyndep noh ia ka jingker ksainar shiah ha khappud kham kloi.
Ha kane ka jingakynduh ki myntri rangbah duh kine ki ar tylli ki ri, kila ia kren bniah kumno ban peitngor ha kaba pahara kha khappud hapdeng kine ki ar tylli ki ri, ban peit ba kan don ka shongsuk, ka jingshong shngian bad ban lait na ki kam sniew ha khappud.
Ban pynurlong ia kane, u Myntri Rangbah duh jong ka Ri India bad jong ka Bangladesh kila ia mynjur lang ban bethah ia ki kynhun shipai kiba iada ha khappud ba kin pyndep kloi lan ia ka jingker ksainar shiah ha khappud .
Ha kane ka jingiakren baroh ar ki myntri rangbah kila pynpaw ia ka jingsngewsih ia ka jingduh ki riew paidbah ia la ka jingim ha khappud. La ia mynjur ba ki kynhun pahara ha khappud kin ialeh ban ia trei lang ban peit ba kan nym don shuh ka jingduh jong ki im briew ha khappud.
Ha kane ka jingiakynduh la iakren ruh kumno ban pynsuk ia ka jingialeit ia wan hapdeng ki briew jong kine ki ar tylli ki Ri ia kiba leit ba wan lyngba ki surok lane da ka rel sha India na ka bynta kito kiba wan da kaba don ia ki kot ki sla kiba biang yn weng kawei ha dien kawei bad kum ka jingsdang yn buh ar tylli ki khyrdop, kawei ha Akhaura ha ka jylla Tripura bad ka wei ha Ghojadanga jong ka jylla West Bengal.
U Myntri Rangbah duh jong ka Ri India u la ai ka jingiaroh ia ka myntri rangbah duh jong ka Ri Bangladesh, ha kaba ia dei bad ka jingialeh pyrshah jong ka Bangladesh ia ki kam lehnoh na ka bynta ban wanrah ia ka shong suk shongsain. U Myntri Rangbah duh ka Ri India u la ong ba ki kam lehnoh ki long ki maw jynthud ia ka suk ka sian.
Ki myntri rangbah duh jong ka India bad ka Bangladesh kila iarai ban kin ia treilang ban rat dingkhong ia baroh ki jaidkam lehnoh. Ha kane ka jingiakren kila ia mynjur ban ia treilang ban ialeh pyrshah ha kaba ia dei bad ka jingiakhaii beain ia ki pisa thok bad kiwei kiwei ki kam runar ha khappud hadpeng kine ki ar tylli ki ri.
