Shillong, Jymmang 04: Da ki spah ngut Ki paitbah jongka shnong Rangthong bad Ki shnong ba marjan Ki la wan iashim bynta haka jingialang paitbah ban pyrshah iaka jingthmu buh iaka Battalion Headquarter ha Rangthong ia kaba la pynlong da ka KSU Rangthong Unit ha Rangthong hynne ka janmiet 04/05/2018 .
Ha kane ka sngi la ai jingkren da u Samla Hamir Syiemlieh, General Secretary ka Rangthong Unit ha kaba u la maham jur iaki agents ba ki dei ban sangeh noh ban pynbiej iaki trai jaka ne ki paitbah lem Kumta na ka liang ka seng kan leh da kaba tyngeh.
Naka liang u Samla Elevenson Wanniang, President Mawkyrwat Circle u la ban jur bad kyntu ruh iaki paitbah ba Ki dei ban ai tylli Lang kawei bad ban ban nym biej iaki jingtyrwa sbai rupa jongki Agent.
Naka liang u Samla Forwardman Nongrem, President, KSU South West Khasi Hills District u la ong ba mynta kam dei shuh ka por ban shu peitkai hynrei ka la dei ka por ba Ki paitbah Ki dei ban mih shakhmat ban ialeh pyrshah iaka jingthmu jongki shipai BSF ban wad jaka ha ki jaka ba shngain bad ba jngai na khappud jongka South West Khasi Hills District.
U la pynpaw ruh iaka jingsngewkmen ba ka Kur Syiemlieh Sawkpoh Kala kynran dien noh ban ai jaka ha ki shipai hadien ba ka la don ka jingpyrshah na kiba bun hynrei watla katta u la pynthikna ba ka seng kan dang iai peitngor khnang ban pynthikna ba Ki shipai kin nym ioh jaka ha Rangthong ne ki jaka jongka District.
Ha kane ka jingialang la shim ruh iaka rai ba Ki paitbah jongka shnong Rangthong kin mih paitbah ban pynsangeh iaka jingwan jurip jongki shipai iaki jaka shnong lada kin dang bteng ban wan.
Ha kane ka sngi la ioh ruh iaki jingkren na u Bah Wallambok Syiemiong, Chairman, SSSS South West Khasi Hills District, u Secretary Shnong jongka Rangthong Bah K. syiemlieh bad u Samla Pauldeep Tongwah, Secretary, Employment and Development Cell KSU South West Khasi Hills District kiba la pynpaw kajuh ka Sur ban pyrshah ia kane ka jingthmu buh Battalion Headquarter ha Shnong Rangthong.
