Shillong, Iaiong 13: U Bah Prestone Tynsong Symbut Myntri Rangbah ka jylla u la ong ba ka jingialang jong ka kabinet mynta ka sngi kala shim ia ka rai ban beteng biang ia ka “Lockdown” ka jingpakhang haduh ka 30th Iaiong 2020.
Ka kabinet ha dien ba kala ia kren kala shim ia ka rai ba ka jingkhang ia ki khappud jong ka jylla kan dang iai bteng haduh ban da pynbna da kumwei pat, ka kabinet kala shim ia ka rai ban dang bteng ia ka jingkhang ia ki kali ban ia leit ia wan na kawei ka District sha kawei pat hapoh ka jylla.
U Bah Tynsong u la ong ba ka kabinet kala shim ia kane ka rai ban nym pat shah ban ia leit ia wan na kawei ka District sha kawei pat ka long ha dien ba la ioh ia ki jingtip na ki Deputy Commissioner jong ki District, kumta ka kabinet kala shim ia ka rai ban dang bteng ia ka jingkhang ban ia rung ia mih na kawei ka District sha kawei pat.
Haba ia dei bad kito ki nongbylla kiba dei na ka jylla Meghalaya kiba la shah kut ha ki jaka bala buh da ka sorkar, ka kabinet kala shah ia ki ban kin leit phai sha ka ki jong ki District hapoh ka jingpeit jong ka Transport Department bad ki Deputy Commissioner ban pynbeit kumno ban pynpoi ia ki sha ki shnong.
