Shillong, Risaw 11: Ka jingialang jong ka kabinet kaba la long mynta ka sngi kala shim ia ka rai ban pynduna noh ia ka Tulop jong ki MLA da T.8000 tyngka na kaba ki ioh mynta T.2.10 lak tyngka. Da kane ka rai ki MLA mynta kin ioh noh ia ka tulop sa T.2.2000 tyngka.
Haba kren ha ki nongthoh khubor ha dien ba la wai ka jingialang jong ka kabinet, u myntri rangbah U Dr Mukul Sangma u la ong ba la shim ia kane rai ka long ban kiar na ka jingpynkiew tulop ia u Myntri rangbah ka jylla, u symbut myntri rangbah bad ia ki myntri hapoh jong ka sorkar. Lada ki MLA ki ioh ia ka tulop kaba T.2.10 lakh tyngka hap ban pynkiew ia ka tulop jong ki myntri sorkar da kaba pynduna noh ia ka tulop jong ki MLA la lait ka jingpynkiew tulop ia ki myntri sorkar.
Ha kane ka sngi ka kabinet kala pynbha shuh shuh ia ka kyndon thung kam hapoh jong ka tnad sorkar Land Record bad survey, ki kyndon kiba la pynrung thymmai ki long ba kiba apply kam ki dei ban lah ban iaid kjat 5 km ha ka 45 minit, ki dei ban long ia ka khmat kaba shai bad ki dei ban lah ban pyndon kam ia ki kor telescopic mapping.
Kawei pat ka rai kaba ka kabinet la shim ka long ban pyntri kam ia ka Regulation energy conservation Act 2001, da kaba pdiang ia kane baroh ki iing sorkar ki hap ban pyndon kam noh da ki bulb light kiba bam duna ka light bad kane ka jingpynduna ia ka jingbam ka jignthang light kan iarap ha kaba pynnesh pynsah ia ka mariang bad ka jylla Meghalaya ruh mynta kala ia shim bynta ha kaba ia khun pyrshah ia ka jingkylla ka suin bneng.
Haba ia dei bad ka jingdie ia ki tiar light ha iew ha hat ka sorkar kan pynmih ia ki jingpynbna sorkar ha kine ki khyndait sngi ba un shah ban die tang ia kito ki tiar kiba la don ka jingpynbna jong ka sorkar pdeng ia kaba la pdiang da ka sorkar jylla ha kane ka kabinet mynta ka sngi. Ia ki tiar light kiba pyndon kam ka rep ka riang la pynlait.
