Rai ka Kabinet ban pynlait T.534.6573 klur ban sdang noh ia ki jingtrei MGNREGA ha ki shnong

Shillong, Iaiong 06: Ka jingialang jong ka Kabinet kaba la long mynta ka sngi kala shim ia ka rai ban pynlait noh ia ka pisa T.534.6573/- klur  tyngka khang ban ioh sdang noh ia ki jingtrei ha ki shnong kiba dei na ka skhim MGNREGA.

U Symbut myntri rangbah ka jylla u bah Prestone Tynsong ha kaba kren ha ki lat pathai khubor u la iathuh ba ia kane ka pisa la dep ban phah sha ki Block Development Officer, kane ka pisa ka kynthup ia ka bai bylla sngi bad ban siew ia ka bai thied tiar.

Kiwei ki rai kiba ka cabinet la shim mynta ka sngi ka long ba ia ki skul baroh yn dang khang haduh ka 30 tarik mynta u bnai, ki nongrep kila lah ban leit sdang noh ia ka rep ka riang jong ki hynrei ki hap ban bud ia ki kyndon kiba ka tnad ka koit ka khiah kan sa bthah.

U Symbut myntri rangbah u la ong ba ka cabinet kala shim ia ka rai ba baroh ki jingtrei kiba la dep ban mang pisa da ka sorkar ha kane ka snem mang tyngka kaba la dep ki la lah ban sdang naduh ka 15 tarik mynta u bnai.

Haba ia dei bad ki sha ki nongkyndong kiba juh pynlong shisien shitaiew la shah ba kin plie biang kum ba juh long ha dien ka 15 tarik mynta u bnai, hynrei kiba leit iew leit hat ki hap ban bud ia ki kyndon kiba la buh. Ia ki kali jong ki riew shimet ruh la shah ban iaid ha dien ka 15 tarik mynta u bnai.

What Next?

Recent Articles

Leave a Reply

Submit Comment

*