Rai ka kabinet ban pynsiew kylla ia ka IT ia ki ophisar  na ka AIS ba trei ha Meghalaya

Shillong, Rymphang 26: Mynta ka sngi ka Kabinet kala shim ia ka rai ban pynisiew kylla iaka Income Tax ia ki ophisar na ka “All India service” kiba trei ha kane ka jylla Meghalaya, bad kum juh ia ki briew kiba trei sha bar ka jylla hapoh ka sorkar ia kine ruh ka sorkar kan pynsiew kylla.

Haba kren ha ki lat pathai khubor ha dien ka jingialang jong ka cabinet u Symbut myntri rangbah ka jylla u bah Prestone Tynsong, u la iathuh ba ha kane ka jingialang jong ka cabinet mynta ka sngi la shim ia ka rai ban pynsiew kylla ia ka Income Tax kaba ki  ophisar kiba dei na ka All India service haduh 95% kane ka long kum ka jingiarap ia ki.

Bah Prestone u la ong ba ki ophisar kiba dei na ka All India services kiba wan na sha bar ka jylla ki hap ban siew ia ka Income Tax bad katkum ka jingbthah na ka Ministry Finance jong ka sorkar  ka long ba ki jylla ki lah ban iarap lem bad dei halor kane ka sorkar jylla kala shim ia kane ka rai bad ha ka shisnem ka sorkar ka hap ban pynlut kumba T.1.5 klur tyngka.

Na ka liang jong ka sorkar kan iarap ruh ia kito ki briew jong ka jylla kiba trei ha ki ophisar jong ka sorkar jylla sha bar ka jylla kaba ki hap pat ban siew ia ka Income Tax, na ka bynta kine ruh ka sorkar kan pynsiew kylla ia ki 95% bad na ka bynta kine ki tnad sorkar kin dang wat ia ka jingkhien katno kan lut ha ka shisnem.

Ha kane ka sngi ka cabinet kala shim ia rai ban pynhiar ia ka khajna jong ka kyiad na ka 40% sha ka 37.5% bad ka bai kit kaba la shim 25%  la pynhiar biang sha ka T.2 Tyngka kumba long mynshuwa, da kane ka jingpynhiar ia ka khajna ka sorkar kan duhnong T.80 klur haduh T.85 klur tyngka  ha ka shisien.

U bah Prestone u la ong ba ka long ka jingduh ia ka sorkar jylla hynrei hap ban ia beh ia ka iew kumba long lem kiwei ki jylla, la ong ba ka jylla Assam ka la pynhiar ia ka dor khajna jong ka kyiad, kumta ka sorkar Meghalaya ruh ka hap ban pynhiar lang khnang ba kan nym ktah ia ka iew.

What Next?

Recent Articles

Leave a Reply

Submit Comment

*