Shillong, Jymmang 08: Ka jingialang jo
ng ka kabinet kaba la long mynta ka sngi kala shim ia ka rai ban ong “Em” ban pyrshah ia ka jingthmu jong ka sorkar pdeng ban wanrah ia ka jingpynkylla ia ka ain ki nongshong shnong ia kaba la tip kum ka Citizenship (Amendment) Bill, 2016, la ong u Bah Prestone Tynsong Deputy Chief Minister ka jylla.
U Bah Prestone u la iathuh ba ka sorkar jylla kan phah ia ka jingthoh sha Joint Parliamentary Committee (JPC) ban pyrshah ia kane ka jingthmu jong ka sorkar pdeng ban wanrah ia ka jingkylla ia ka Citizenship (Amendment) Bill, 2016. La iathuh ba ka committee kan wan sha kane ka jylla ban pan jingmut na ki paidbah ha ka 10 bad 11 tarik mynta u bnai.
Ka jingtyrwa katkum ka jingthmu jong ka sorkar pdeng ka long ba ki rit paid kum ki Hindu, Sikh, Buddhist, Jain, Parsis bad ki Khristan kiba dei na ka Ri Afghanistan, Bangladesh bad Pakistan, kito kiba la pynlait katkum ka ki ain jong ka sorkar pdeng hapoh jong kyndon (c) jong ka kyndon (2) hapoh ka kyndon 3 jong ka ain passport ban (Entry India) Act 1920 lane na kki kyndon jogn ka ain foreigners Act, 1946, lane kino kino ki ain kiba la shna, ia ki ym dei ban niew kum ki briew kiba la wan rung beain sha India;.
Kawei pat ka jingkwah ban wan rah hapoh kane ka Citizenship (Amendment) Bill, 2016, ka ong ba ki rit paid kiba dei ki, Hindus, Sikhs, Buddhist, Jains, Parsis bad Khristan kiba na ka Ri Afghanistan, Bangladesh bad Pakistan, kiba la shong la sah ha India ne kiba trei bad ki sorkar ha ka Ri India, ba kin kylla nong India don kam ban sah hynriew snem, ym shuh khatwei snem.
U Bah Prestone u la ong ba ka kabinet kala ia kren sani ia kane ka kam ha kane ka jingialang mynta ka sngi bad ha dien ba la ia kren snai ka kabinet kala shim ia ka rai ban ong “Em” kaba mut ba ka kabinet ka pyrshah ia kane ka jingtywra jong ka sorkar namar kum ka jylla Meghalaya kaba ki nongshong shnong kid ei ki rit paid, dei na kane ka daw ba ka kabinet kala shim ia kane ka rai ban pyrshah ia kane ka jingkwah jong ka sorkar pdeng.
