Rai ka kabinet ban shimram T. 1342.72 klur ban siew ia ka ram bai light ka MeECL: James

Shillong, Nailar 14: U Myntri ba dei peit ia ka tnad bording jong ka sorkar jylla u James K Sangma u la iathuh ba ka kabinet kaba la iashong pyrkhat kam mynta ka sngi la shim ia ka rai ban shim ram na ka Rural Electrification Corporation bad na ka Power Finance Corporation T. 1345.72 klur ban siew dep noh ia ka bai bording ba ka MeECL ka thied na ki kompeni pynmih bording.

Haba ia dei bad kane ka sorkar kan ia kren bad ki kompeni pynmih bording ban map lem 60% na ka sut kaba dei ban siew, lada ki kompeni ki map ka bai bording kaba sah ba dei ban siew kan long noh T. 1091.92 klur bad da kane ka jingsiew ka MeECL kan nym don ram shuh sha ki kompeni ba ai bording sha ka jylla Meghalaya.

Haba jubab ia ki jingkylli na ka liang jong u James Myntri ba dei peit ia ka tnad bording la ong ba kane ka ram kaba sah ka dei kaba la lang bun bun snem naduh mynshuwa haduh mynta.

U Myntri u la iathuh ba kane ka khlam COVID-19 kala ktah shibun ia ka MeECL ha kaba ia dei bad ka jingmih, la ai nuksaan ba ha u snem 2019 ha u bnai Iaiong ka jingmih ka long T. 65.33 klur kaba mynta u snem 2020 ha u juh u bnai Iaiong ka long tang T. 31.02 klur. Kane ka ram kaba shim dei lyngba ka jingplie lad ka sorkar pdeng ha kaba ka sorkar jylla kan hal ban ai ia ka jingbah khlieh.

 

What Next?

Recent Articles

Leave a Reply

Submit Comment

*