Shillong, Jymmang 16: U symbut myntri rangbah ka jylla u Bah Prestone Tynsong, u la iathuh ba ha ka jingialang jong ka Kabinet kaba la long mynta ka sngi kala mynjur ban thaw ia ka “Farmers Commission” ban peit ia ki jingeh jong ki nongrep. Ka sorkar kan dang shna ia ki rule ha kaba ia dei bad kane ka Commission.
La pynkynmaw ba ha u snem bala dep ka sorkar kala pynlong ia ka jingialang bah jong ki nongrep ha kaba la tip ia ka kum ka “Farmers Parliament” bad kane ka long ka jingialang kaba nyngkong eh ha ka jylla kaba ia dei ki nongrep.
Halor ka jingkwah ka sorkar ban buh u wei u snem ba kyrpang na ka bynta ki nongrep ia mynta u snem namar ba la slem ba palat ka sorkar kan nym lah shuh, leh se ia kane ki lah ban shim ha u snem ban wan 2020 ia kane ka sorkar kan dang hap ban shong biang.
Kiwei ki rai kiba ka cabinet kala shim mynta ka sngi ka long ban thung Mission Director hapoh jong ka tnad Social Welfare da kaba shu thung kontrak shisnem bad kiba lah ban shah jied dei tang kito kiba la dep pass ia ka master Degree ha ka Social Work.
Kawei ka rai ka long “Empowerment of Person With disabilities” ka sorkar kala shim ia kane ka rai ka long ba ia ka bhah kam ha kane ka liang la pynkiew na ka 3% sha ka 4% bad ha ki jaka pule la pynkiew na ka 4% sha ka 5%.
Ka cabinet la shim ruh ia ka rai ban thung 6 ngut ki inspector hapoh jong ka tnad kam kit kam bah bad 15 ngut ki nongap khyrdop la leh ia kane namar ba kala don ka jingdon kam kyrkieh hapoh kane ka tnad sorkar namar ka jingdon kam ka long 39 ngut hynrei kiba don mynta ki don tang 15 gnut.
