Rai ka kabinet ban thung ia u Amit Kumar kum u Advocate General ka jylla Meghalaya

Shillong, Iaiong 06: Ka jingalang jong ka kabinet kaba la long mynta ka sngi la shim ia ka rai ban thung ia u muktiar jong ka Supreme Court  u Amit Kumar ban long u Advocate General jong ka jylla Meghalaya.

U Bah Prestone Tynsong bad u James K Sangma ki myntri sorkar ba kren ha ki nongthoh khubor ha dien jong ka jingialang jong ka kabinet kila iathuh ba ka kabinet kala rai ban thung ia u Amit Kumar kum u Advocate General  jong ka jylla.

Kawei pat ka rai kaba la pdiang da ka kabinet ka long ha kaba ia dei bad ka baibam thymmen jong ki nonghikai bad kiba trei ha ki Deficit College ha ka jylla, haba ia dei bad ka ne ka kabinet kala rai ban pdiang ia ka Contribution Pension Skhim bad kane kan trei kam noh naduh ka sngi ba pynmih ia ka jingpynbna sorkar.

U Bah Prestone Tynsong haba batai ia kane ka rai jong ka kabinet, u la ong ba katkum ka ain, ka long ba ka jingkynshew pisa ka dei ban long 12% man u bna bad na kane ka sorkar kam thep 8% bad na ka liang jong ki nonghikai bad kiba trei haki deficit college in thep 4%, Da kaba pdiang ia kane ka rai ka sorkar ka hap ban thep 40 lak tyngka man u snem.

What Next?

Recent Articles

Leave a Reply

Submit Comment
*