Shillong, Jymmang 01: Ka seng kur kharraswai kynrang Lawbah zone myn ha ka sngi saitjain balah dep ka la ioh ban pynkup burom ia ki 18 ngut ki heprit bad samla pule ka kur kiba poi shakhmat haki jing pule ha une u snem bala dep 2017 haka dorbar pyllun jong ka kur ba juh pynlong shisien shisnem.
Ia kane ka jingialang kur mynta u snem la pynlong ha shnong Kynrang bad kala long shisha ka dorbar kur kaba kham phylla mynta u snem daka jingiapoi ryntih naduh ki samla kynthei bd shynrang ki long kmie bad ki long kpa, ki kni rangbah kakur kynthup ruh ia ki nongwan shongkha.
La pyniphuh pynphing iaka dorbar pyllun daka jingiashim bynta da ki khun samla bad ki kni rangbah kakur la iatai ruh ia shibun ki mad ha kane ka dorbar kur,la sdang iaka dorbar daka jingia sngap jar shiminit kum kadak ban kynmaw burom ia ka jingkhlad noh dang shen jong uwei na ki kni rangbah kakur sha nongpiur la pyniaid iaka dorbar da u president ka kur u bah joplin kharraswai.
Naka liang u General Secretary ka kur u Bah Gilbert G Kharraswai u la iathuh ba ha kane ka dorbar la iohbn ia kren ia shibun bah ki kam kumno bn nang pynkiew iaka kur ha kiba bun ki liang ne ban wanrah ka jingiajan parakur barajait bad la ioh ruh iaki jingsneng jingkraw ia ki khun ki pyrsa ka kur da u kni rangbahduh u Bah kwishon na ka shnong pyndensohsaw.
Ha kane ka jingialang ka kur kala shim ia karai kaba kham kongsan ka long ba na ka liang ka dorbar pyllun kala maham bad mana ia kino kino ki kur ki ba ai jait sha u kpa ne u lok ka kur kan nymshah da lei lei bad ia ki kur shyhrang ba kin tangjait ne shimjait ia ki khun ia ki ba pynkhein ne ialeh pyrshah ka kur kan pynshitom daka ba tyngeh katkum ki kyndon jong ka kur.
Ia kane ka kur kala shim khnang ba kan nym pynbakla iaka pateng ban wan hadien ha bud ha kane ka dorbar laioh ban pynithuh ia ki kmeirat kmeisan bad iaki kni rangbah bad iaki longkni ka kur khngba ki khun ki pyrsa kakur kin iatip hadien habud pateng la pateng.
U bah Gilbert G kharraswai u la iathuh ruh ba ka dorbar pyllun kakur jong u snem 2019 kanlong ha ka shnong Rangweng kane ka long ka kyrwoh khubor na u GS ka seng kur kharraswai. Ia ka jingialang la kren pynwai da u Bah Sted Kharraswai u wei na ki kni jong ka kur.
