Rai ka Kynhun Myntri ban pynjlan sa shisnem ban pyniasoh ia u Aadhar ha Assam bad Meghalaya

New Delhi, Iaiong 22: Ka Kynhun Myntri Sorkar Pdeng ba la pyniaid da u Myntri Rangbah duh ka ri, Narendra Modi ka la ai ka jingmynjur jong ka ban pynjynsur ia ka jinglait na ka jingdonkam ban pyniasoh Aaadhar ki nongioh jingmyntoi jong ki Jylla jong ka Assam bad Meghalaya bad ki UT jong ka Jammu bad  Kashmir bad Ladakh na ka bynta ka jingpyllait jingiarap sha ki nongioh jingmyntoi hapoh ka skhim PM-Kisan haduh ka 31 tarik Lber, 2021.

Ia ka skhim Pradhan MantriKisanSammanNidhi (PM-KISAN) la plie da u Myntri Rangbah duh ka ri ha ka 24 tarik Rymphang, 2019. Kane ka skhim ka thmu ban ai jingiarap pisa sha baroh ki longiing nongrep kiba don jaka ha kylleng ka ri kaba long ban pyndonkam ha ki kam rep, ryngkat bad katto katne ki kyndon.

Hapoh kane ka skhim, lah pyllait T. 6000 shi snem ia ka ban siew ha ki lai instalment kaba long mar T. 2000 kaba la thep beit beit sha ki bank account jong ki nongioh jingmyntoi. Kane ka skhim ka la sdang treikam naduh ka 1 tarik Nohprah,2018.

Naduh ka 1 tarik Nohprah, 2019, ka jingpyllait ia ki jingiarap la leh lyngba ka jingpyniasoh bad ka Aadhaar jong ki nongioh jingmyntoi kaba la buh da ki Sorkar Jylla bad UT ha ka portal PM-KISAN, lait noh ha kaba iadei bad ki Jylla jong ka Assam bad Meghalaya bad ki UT jong ka J&K bad Ladakh, kiba la lait na kane ka jingdonkam tad haduh ka 31 tarik Lber, 2020, namar ka jingpynrung kyrteng Aadhaar ha kine ki jaka ka la long kaba duna bha.

La antad ruh ba kane ka kam kan dang shim por ia ki Jylla jong ka Assam bad Meghalaya bad ki UT jong ka J&K bad Ladakh ban pyndep ia ka kam ban pyniasoh Aadhaar ia ki nongioh jingmyntoi jong ka skhim naduh ka 1 tarik Iaiong, 2020, lada ym pat pynjlan ka jingpynjynsur ia ka jinglait na ka jingdonkam ban pyniasoh Aadhaar.

Ka jingdon ki nongrep kiba dei ban ioh jingmyntoi ha kine ki Jylla bad ki UT kiba la ioh ia ka jingsiew ba nyngkong katkum ha ka 8.4.2020 kilong 27,09,586 ngut ki nongioh jingmyntoi kiba na Assam, 98,915 ngut kilong ki nongioh jingmyntoi na Meghalaya bad 10,01,668 kidei ki nongioh jingmyntoi kiba ha J&K, kynthup ia ka Ladakh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet