Shillong, Naiwieng 20: U Bah Pyniaid Secretary ka UDA u la ong, ka jingialang kala shim iaka rai ban pynieng ia u Bah Teinwell Dkhar kum u kyrtong bad ki kyrmen skhem b
a yn jop biang ia katei ka elekshon.
La iathuh ruh baba ki san ngut ki MDC kiba la shet kylla kiba kynthup ia u Bah PN Syiem, Bah Mitchell Wankhar bad u Bah Alvin Sawkmie kiba na ka NPP, ka Kong Macdalyn Sawkmie Mawlong (PDF) bad u Bah Latiplang Kharkongor u MDC khlem seng bad kine baroh 5 ngut kim shym la wan iashimbynta shuh ha ka jingialang jong ka UDA.
U la ong, ka jingpynkhyllem ka liang Pyrshah bad ki 5 ngut ki MDC iaka Executive Committee kadei halor ka nongrim ba ki kwah ban ba kin ioh iaka Trading License na ka KHADC bad ki kwah ia ka MDC skhim.
U Bah Pyniaid u la ong ba kum u Secretary ka NPP ha KHADC u la kyndit ba ki lai ngut ki MDC ka NPP kin thep vote pyrshah iaka EC bad ban ieh jyndat iaka EC ha ka dorbar, kumta halor kane ka jingleh ka jong kitei ki MDC, kila pyntip sha u Secretary ka NPP East Khasi Hills u Bah Aibor Tynsong halor katei ka jingjia.
La ong shuh shuh ki MDC ka NPP kiba dang don ha ka kynhun UDA ki kynthup ia u Bah Gigur Myrthong, Bah Pyniaid Sing Syiem, Bah Victor Ranee bad u Bah Rangkynsai Kharbuki. La kynnoh ruh ba u Chairman u la dep ban iasuh buit lypa bad ka Liang Pyrshah ban wanrah iaka No Confidence Motion, hynrei watla ka EC kala rem ha ka jingbun paid hynrei kala jop pat ha ka jingiatai ha ka dorbar.
