Rai ka MHC ban aiti sha ka CBI ban jingtohkit ia ka jyrwit jyrwat thung kam nonghikai

Shillong, Naiwieng 02: U Chief Justice jong ka Meghalaya High Court mynta ka sngi ha ka rai kaba 105 sla kaba la pynmih mynta ka sngi, la ong ba ia ka mukotduma No. P.S.Case No.62(7) jong u snem  2011 jong ka Laitumkhrah Police station, kaba ia dei bad ka jyrwit ha kaba ia dei bad ka kam thung nonghikai. Ha ka rai ka ong ba la shim noh na ki pulit jong ka jylla ia ka jingthoh kit bad  ia kane ka jingtohkit  dei ban aiti sha ka CBI ban tohkit bad ia ka kaiphot dei ban ai noh hapoh jong ka hynriew bnai.

Ha kaba rai kaba la pynmih mynta ka sngi, la ong ba ia ka adbertisment kaba la pynmih ha ka 10.12.2008 ia kaba la pynmih lyngba ka ka ophis jong u Deputy Inspector jong ki skul katkum ka jingpynbna sorkar kaba la pynmih ha ka  24.11.2008, ha kaba ia dei bad ka Shillong Sadar, Jowai, Amlarem, Tura bad Dadengre Centres; la shah ban shim tang ia kito ki candidate kiba khlem paw dak sniew ia ka kaiphot jong ka CBI bad kum juh ha ka kaiphot jong ka HLSC, la sah ia ki ba kin dang beteng shipor ia ka kam hikai katban da pynlong da ka jingjied kaba thymmai. Ia ka jingkyrpad ban ong ba dei ban pynneh ia ki ha ka kam na ki san tylli ki jaka thoh exsam la kyntait.

Ha ka juh ka por ka iing bishar kala shah ia kito ki kandidate kiba la don ha ka kam ne ki bym don ha ka kam la shah ia ki ba kin ia lehbiang ia ka examin kaba thymmai kiba dei na ki san tylli ki jaka thoh eksam, hynrei ka jingshah ia ki kan long katkum ki kyndon kiba don mynta. Lada ka rta jong ki ka dang shah katkum ka jingpynbna sorkar ha ka 24.11.2008 dei ban shah.

Kito ki kandidate kiba la shah thung kam kiba la paw da sniew ha ka kaiphot jong ka CBI lane jong ka HLSC lane kiba la lap ba la thung da ka jingai jingthoh na ki nongmihkhmat jong ki riew paidbah lada la thung kam pura ia ki ne la thung kam shipor dei ban weng noh na ka kam mardor.

Kito ki kandidate kiba la lap ba kila shah buk dak sniew ha ka kaiphot jong ka CBI lane jong ka HLSC kiba dei na ki jaka toh exksam, ka Shillong Sadar, Jowai, Amlarem, Tura bad  Dadenggre, lada don kiba kwah ban ai kano kano ka jingthoh ki lah leh ia kata hapoh ka 30 sngi naduh mynta ka sngi bad ia ka jingthoh ki dei ban phah sha u Chief Secretary jong ka jylla ba don ka jingpyrkhat na ka bynta jong ki ba kim dei ki kandidate kiba la shah pynthoh bria.

Ha dien ba u Chief Secretary u la ioh ia ki jingthoh, un sa shong ban bishar bniah bad lai ngut kiwei pat ki heh sorkar bad kine ki heh sorkar ki dei ban long kiba khlem pat don dak kynthoh pyrshah ia ki bad u wei u dkhot u ba lait luid u ba lah ban dei na ka tnad pule jong ka sorkar jylla lane na ka sorkar pdeng bad kane ka kommiti kam shim ia ka rai hapoh 60 sngi ha dien ba la ioh ia ka jingthoh ban ong ba u ne ka kandidate kam don dak sniew na ka bynta ban shah ia ki ban thoh exsam thymmai kum ki kandidate bym don dak thoh bria.

Lada ka kommiti ka shem ba u ne ka ki don ia ka dak thoh bria la khang ia ki ban nym shah shuh ba kin wad kam sorkar bad ki dei ban siew ia ka kuna kaba T.50,000/- (Sanphew hajar tyngka bad ia kane ka pisa dei ban thep hapoh jong ka State Disaster Management Fund.

Katba ia kito ki jaka thoh eksam, lait noh ka Shillong Sadar, Jowai, Amlarem, Tura and Dadengre, la bethah ia ka CBI ba kan tohkit katkum ka rai kaba la pynmih ha ka 21.10.2011 bad kan pyniakhlad ia kiba don dak thohbria bad ki bym don dak thohbria bad ia ka kaiphot dei ban ai sha u Chief Secretary hapoh ka hynriew bnai.

Na ka bynta kane, ka sorkar jylla 104 WA No. 52 of 2011 ryngkat bad kiba ia dei bad kane ka kam na ka liang jong u Chief Secretary mar ia ioh ia ka kaiphot u hap ban leh ia kaba don kam ba kane ka kommiti kan shang ban peit bniah ia ka kaiphot jong ka CBI bad lada dang don kam ban tohkit ka lah ban leh ia ka bad ha dien ba la shem ba kala biang ia ka kaiphot dei ban phah noh sha ka sorkar jylla hapoh lai bnai.

Lada lap ban ka don ka jingleh bym hok ne lap ba ka don ka jingtkuklar na ki nongnongmih khmat paidbah ka kommiti ka lah ban ai ia ka jingai jingmut ba pynduh noh shisyndon ia baroh bad ka sorkar jylla ka dei ban leh ia kaba don kam. Lada jia kumta dei ban pyntrei kam ia ka ka paragraphs 1 bad 2. Lada kam don ka jingleh kaba kum kata ka ia ki jingjied ia ki kandidate dei ban pdiang.

Ia kiwei ki jingthoh kiba ka CBI ka don ha kaba ia dei bad ka jingtohkit PE2(A)/2011-SHG dei ban aiti sha u muktiar bad ban phah sha u  Superintendent ki Police, ka CBI, Shillong. Ka jingpynshitom ia u Director, Elementary bad Mass Education u ba rim dei ban dang beteng bad ia ki jingthoh baroh dei ban ai sha u Advocate General ban leh ia kaba don kam, ha kaba ia dei bad ki kot ki sla kiba ia dei bad ka jingtohkit jong ka HLSC bad ia ki kot thung kam dei ban ai ti sha u Advocate General.

U Chief Jusitice ka Meghalaya High Court ha kane ka rai kaba la pynmih mynta ka sngi u la ai ia ka rai bad la pynkut noh ia baroh ki jingujor ha kaba ia dei bad kane ka mukotduma. Na ka liang jong u nongbishar u la ong ba u ai ka jingiaraoh ia baroh ki muktiar kiba la ia sait ia kane ka mukotdukam ia baroh kiba la ia shim bynta bad kala long ka jingiarap ia ka iing bishar ba don burom.

 

 

 

What Next?

Recent Articles

Leave a Reply

Submit Comment
*