Rai ka MLFOA ban ia treilang bad ka KHADC ia ka jingtmu ban pynkylla ia ka IF Act 1927

Shillong, Nailar 03: Ka jingialang jong ka central body Meghalaya Land Forest Owners Association, (MLFOA) kaba la long ban ia kren halor ka Indian Forest Act 1927, ka ai khublei ia ki heh tnad Forest ka Jylla u Additional PCCF, u CFO bad DFO (T) kiba la khot jingialang halor ka draft Indian Forest Act 1927 bad kumjuh ruh ka jingialang ka pynpaw ka jing sngew nguh ia u Bah Tienwell Dkhar, MDC, Chief Executive Member, KHADC uba la thung ia ka committee kaba 17 ngut kaba kynthup lang ia ki dkhot ka MLFOA ban bishar bnaih ia katei ka jingthmu ka Sorkar India ban pynthymmai ia ka Indian Forest Act 1927.

Ha kane ka jingialang ka Central Body MLFOA, ka la shim ia kine ki rai ban ia treilang bad ka committee KHADC bad ban kyntu ia ki ban shim khia ban pynbeit ia ki Ain Khlaw Ain Khyndew kiba la syrtap kiba u khun u hajar um sngewthuh shuh mynta la palat 39 snem (naduh ba wan ka Forest Conservation Act 1980 haduh mynta 2019) namar haduh kine ki sngi ngi sah ha ka jing beain ha ki kam trei dieng bad kam Khlaw

Ban thaw lad ban pynbeit ia kitei ki ain khlaw ain trei dieng namar kumba long mynta da ka spah cft ka dieng hap ot beain tang ban shna iing tap shilliang ha man ki Shnong, Raid ne Hima.

Ban ai jingthoh sha ka Committee KHADC bad sha ka tnad Forest ka jylla halor katei ka draft indian forest Act 1927, hadien ka jingiasyllok bad ki dkhot ka Central Body, bad dkhot ka General Meeting

Ban kyntu ia ki bor KHADC ban shim khia ban buddien ia ki Resolution Meghalaya Assembly halor ki Ain parmaw par shiap kiba kynthup ia ka Coal Mines Act 1973, ka MMDR 1957  bad  khamtam ban pyndep ban buddien ia ka Resolution ka Meghalaya Assembly halor ka FC Act 1980 kaba la mynjur naduh ka 13 April 2000 ia kaba lyngoh pat ba khlem phah sha Delhi ia katei ka resolution jong ka Meghalaya Assembly ban pyllait ia ka jylla katkum ki kyndon para 12 A (b) ka sixth schedule.

Ba ka seng MLFOA kan trei lang ba ka kynhun parmaw ka Ri Khasi Jaintia bad ki kiwei kiwei ki kynhun kiba iakynduh jingeh namar kitei ki ain kiba bun rukom, namar kumjuh kum ka jingdonkam dieng wat ka tnad C&RD ka sorkar lyngba ka MGNREGA kadawa da ki spah ton ban pyntrei ia ka bylla shi spah sngi kumjuh ruh ka sorkar ka donkam da ki hajar  ton u maw tang ban pyndep ia ka jingshna surok PWD.

Ban kyntu ia ki bor KHADC ban ai jingshai halor ki form parmaw ha ki jaka la jong kiba don ki kyntien “lease” kaba mut ka jingshim wai, hato la dei ne em ia ki bor KHADC ban maham ia ki paidbah ki nongsynshar ban sangeh ia ka jingai NOC ia kum katei ka rukom thoh

Ban kyntu ia baroh ki unit bad ki dkhot jong ka seng MLFOA ha baroh kawei ka Ri Khasi bad Jaintia ban long kiba la khreh ha kaba lum ia ka jingialang kaba kyrkieh ha kine ki sngi khnang ban pynneh pynsah ia ka hok ka jinglong trai halor ka khyndew ka shiap

 

What Next?

Recent Articles

Leave a Reply

Submit Comment

*