Shillong, Naiwieng, 01: Ka Nationalist Peop
le’s Party (NPP) Ranikor Circle ka la mynjur ban phah ia ka kyrteng jong u Bah Air Marshall Diengngan kum u kyrtong ban aireng na ka tiket jong ka Party ha ka elekshon MLA 2018 sha ka Ingdorbar Thawaiñ ka Jylla.
Ia ka kyrteng u Bah Air Marshall la mynjur da ka General Council Meeting kaba la long ha ka 28 tarik u bnai baladep ha ka shnong Kensohshan ha kaba la wan iashim bynta da ki nongkitkam jong ki 62 tylli ki Primary Units.
Ki nongkitkam ka NPP Ranikor Block kiba la aiti ruh da ka jingthoh lyngba ka jingsoi kyrteng jong ki Nongkitkam jong ki tnat bapher bapher ryngkat ka shithi ba la mynjur na ki President bad Secretary jong ki 62 tylli ki Primary Unit ban phah noh ia ka kyrteng jong u Bah Air Marshall, kum u kyrtong ka Party.Ha kane ka jingialang la iadonlang u Bah Remdor Thongni, President ka NPP Ranikor Block Committee.
Ki don arngut kiba la pan tiket na ka NPP Ranikor Constituency, hynrei u Bah SS Lyngdoh, General Secretary ka NPP Ranikor Block uba long kum u nongpeit pyrman jong kane ka jingialang ula pyntip ba ka NPP Ranikor Block ka ithuh tang ia u Bah Air Marshall uba long ruh ha kajuh ka por u Chief Organiser ka Party ba un long kum u kyrtong na ka bynta ka elekshon MLA 2018 na Ranikor Constituency.
U Bah Remdor Thongni haba kren ha kane ka sngi ula pynbna ba ka NPP Ranikor Block da kawei ka jingmut ka la mynjur tang ia ka kyrteng jong u Bah Air Marshall Diengngan u ba ki paidbah ki ju khot ieid ‘Bah Lieh Diengngan.” U la pynpaw ruh ia ka jingsngewskhem ba dei tang u Bah Air Marshall uba lah ban pynkhyllem ia u Martin M. Danggo, uba long u MLA bamynta ka Ranikor ha ka elekshon 201
Ban pynkhlaiñ shuh shuh ia ka Party, ha kane kajuh ka sngi la pynskhem ruh ia ki nongkitkam jong ka Women’s Wing, bad National People’s Youth Front (Youth Wing) jong ka NPP Ranikor Block Committee na ka bynta ka samoi treikam jong u snem 2017-2010 da u President ka NPP Ranikor Block.
Ki nongkitkam ka Women’s Wing ki kynthup ia ka President Kong Rupalin Snaitang, Vice President Kong Selbi R. Marak, General Secretary Kong Belisda Diengngan, Asst. Secretary Kong Tolina Diengngan, Treasurer Kong Josbi Wanniang, Adviser Bah JC Diengngan bad la thung ruh 20 ngut ki Executive Members.
Ki nongkitkam ka National People’s Youth Front (Youth Wing) ki kynthup ia u Bah Wanshanbok Wanniang, Vice President Bah Innocent Jyrwa, Bah Jupiter Nongtnger bad u Bah Naman Sangma, General Secretary Bah Bitnam Nongsiej, Asst. Secretary Bah Joyfulbirth Langrin bad Bah Saianrose Thongni, Treasurer Bah Kennestar Mawleiñ, Advisesr Bah Tapaz Roy bad la thung ruh 20 ngut ki Executive Member.
Ha kane ka sngi la ioh jingkren ruh na ki riewrangbah kiba kynthup ia u Bah JC Diengngan, u Bah Dinarson Syiemlieh, Bah Roshem Myrthong bad kiwei kiwei kiwei ki nongkyrshan baradbah ka Party.
U Bah Air Marshaall u la ai khublei ruh ia baroh ki nongkyrshan bad ki nongtrei ka Party bad u la kyntu ruh ba kin nang iai trei shitom shuh shuh ban wanrah noh ia ka jingkylla bathymmai kaba la tehmraw ia ki paidbah jong ka dong ka thaiñ la kumba 20 snem.
