Rai ka Ranikor BCC ban pynieng ia u Bah Airmarchal kum u kyrtong ha ka MDC ilekshon

IMG-20181019-WA0008Shillong, Risaw 19: Ka jingialang jong ka Ranikor Block Congress Committee (RBCC) kyntup lang ia ka Ranikor Youth Congress Committee (RYCC)  kala pynlong ia ka jingialang ha shnong Panchiring ‘B’ ban ia kren ia ka kam MDC ilekshon sha ka iing dorbar jong ka Khasi Hills Autonomous District Council (KHADC) ka ban long ha u snem 2019.

Ha kane ka jingialang ka RBCC kala ioh pdiang ar tylli ki kyrteng kiba la tyrwa ban long ki kyrtong ha kane ka ilekshon, ka jong u bah Airmarchal Diengan bad jong u bah Daniel Wahlang bad kine ki dei kiba la juh ia leh teng ia ka MDC elelction bad kila pynbiang ruh ia ki kyndon kiba la buh da ka party Congress.

Ha kane ka jingialang ki dkhot jong ka seng Congress kila pdiang ia ka kyrteng jong u Bah Airmarchal Diengan ban phah ia ka kyrteng jong u sha ka South West Khasi Hills District ba kan phah ia ka kyrteng jong u sha ka MPCC, la ong u bah K Lyngkhoi president jong ka RBCC ha ka kyrwoh kaba la phah mynta ka sngi.

Ha kane ka sngi kum ka party kila ia kren ba kin trei shitom na ka bynta ban wanrah ia ka jingjop ia ka party ha kane ka ilekshon MDC na ka 26-Langrin MDC Konstitwensi. Ha kane ka jingialang kum ka party kala pynlong ruh ia ka jingsngap jar ban duwai lem na ka bynta ka jingkhlad noh u MLA ka seng u Clement Marak jong ka Salsella.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet