Shillong, Nailar 07: Ha ka jingialang ka kabinet ka ba la long mynta ka sngi la shim ia ka rai ban ai laisen ia ki pata kyiad IMFL ban leit ai kyiad ha ki iing bad ka bai laisen kan long T. 50000/- shisnem.
Ha ka juh ka por la rai ba kiba thied kyiad ban poi sha ki iing kan long lai litter ha ka shisngi bad ia ka beer kan long saw litter ha ka shisngi bad kane kan long tang ia kiba 20 snem shaneng bad ki dukan ki hap ban phah pat ia ka kaiphot sha ki Deputy Commissioner, la ong u James k Sangma myntri ba dei peit ia ka tnad bor ding.
Kiwei pat ki rai kiba ka Kabinet kala shim mynta ka sngi ka long ban thing 13 ngut ki ophisar hapoh ka tnad social welfare shipor ban pyniaid ia ki ba bun Karna ka MPSC kam pat lah ban pynlong ia ka eksamin kumba la pan da ka sorkar, kane ka jingthung la hap ban leh namar ka jingdon kam kyrkieh ka kam.
Ka kabinet kala pdiang ruh ban pyntrei kam ia ka skhim ban pynkhlain shuh shuh ha ka tnad ka koit ka khiah ha ka jylla bad ka jingbei pisa kan long 80% na ka world Bank bad 20% kan bei da ka sorkar jylla bad kane ka skhim kan long na ka bynta San snem bad ka jinglut kan long T. 352 klur.
