Rai ka UDP bad ka HSPDP ba ka RDA ka dei ban iai bteng ban ia trei kam: Metbah

Shillong, Jymmang 31: Mynta ka sngi kala don ka jingialang hapdeng ka party UDP bad ka HSPDP ban ka ‘Regional Democratic Alliance’  ka dei ban iai bteng ban ia trei kam na ka bynta ban dang pynkhlain ia ki seng riewlum ha kane ka jylla Meghalaya.

Haba kren ha ki lat pathai khubor ha dieng ka jingialang President ka UDP u bah Metbah Lyngdoh la ong ba kane ka jingialang mynta ka sngi ka long ban iai bteng biang ia ka jingiatrei kam jong ka RDA ha kaba la ia don lang da ki nongialam na baroh ar tylli ki seng sain pyrthei.

La ong ba kane ka RDA ka don dei tang ha kane ka elelshon kaba dang shu dep namar ki daw kiba ym lah ban kiar la hap ban ia iaid la ka jong ka jong, hynrei kane ka kynhun ka don bad na ka daw jong ka jinglong jingman ka sain pyrthei khlem ioh ban ia kynduh hynrei mynta la lah ban ioh ka kynduh.

U President ka HSPDP u bah K P Pangniang la ong ba ka RDA ka don ha kine khyndiat bnai kam shym la lah ban ia kynduh na ki daw kiba ym lah ban kiar hynrei mynta la ioh ban ia kynduh bad ban pyntyllun ia ki kam kiba kum ka RDA ka hap ban leh.

Ha kane ka jingialang la don lang ki MLA na baroh ar tylli ki party, ki MDC ki nongialam party bad ia ka jingialang la lam khmat da ki president jong kine ki ar tylli ki party bad la ia mynjur lang ban ia treilang kum ka RDA.

Ha kane ka jingialang la pynpaw ruh ia ka jingsngewnguh ia ka sorkar kaba la pdiang ia ka jingtyrwa jong kine ki ar tylli ki party ha ka jingialang ha ka 29 tarik ba ka sorkar ka dei ban ia kren ia ka Reservation Policy, kaba la plie lad ia ka jingialang mynta ka sngi ba ka kommittee kan sa ai jingmut sha ka sorkar ban thung ia ka kommittee ban bishar bniah ia ka polisi bhag kam bhah jam.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet