Rai ka UDP ban pynieng ia u khun Dr Don ha ka ilekshon MLA shiteng samoi na Shella

Shillong, Nailar 22: Ka party UDP jong ka Shella Konstitwensi mynta ka sngi kala pynlong ia ka jingialang ha iing jong u Dr Donkupar Roy bam kwai ha dwar u blei, da kawei ka sur kila rai ban pyniakhun ha ka ilekshon shiteng samoi ia u Bah Balajiedkupar Synrem khun jong u Dr Don.

Ha kane ka jingialang la don u Bah Titosstarwell Chyne President jong ka UDP East Khasi Hills District, u la pdiangburom ruh ia u Bah Balajiedkupar ba un long u kyrtong jong ka party ha ka ilekshon shiteng samoi.

Kiwei kiba la ia don lang ki long u Chief Executive Member jong ka KHADC u Bah Teinwell Dhar, u Bah Alantry Dkhar bad kiwei kiwei ki nongialam jong ka party UDP na ka konstitwensi bad kiwei kiwei ki jaka ruh kila ia don lang.

Ha kane ka jingialang ki nongkren baroh kiba la ai jingkren ha kane ka sngi kila pynpaw ia kawei ka sur ba kin ia trei shitom khnang ba ka party kan ioh ban bat biang ia kane ka Konstitwensi kaba u president ka seng u la mihkhmat baroh shikatta.

 

What Next?

Recent Articles

Leave a Reply

Submit Comment

*