New Delhi, Naitung 12: ka Union cabinet mynta ka sngi hapoh ka jingpyniaid jong u myntri rangbah duh jong ka Ri, u Narendra Modi, kala shim ia ka rai ba ia ka rta shongthait jong ki doctor hapoh ki tnad shipai la pynjlan na ka 60 snem sha ka 65 snem, kane ka rai ka kynthup lang ruh ia ka Assam Riffle.
Kane kan trei kam na ka bynta kito ki doctor kiba dei ha ka general duty kiba don ha ki tnad shaipai jong ka sorkar pdeng bad kum juh ia kiba don hapoh jong ka Assam Riffle, kane ka long ruh kum juh ia kito ki doctor ia kiba la tip kum ki specialist ka rta shong thait jong ki la pynkiew na ka 60 sha 65 snem.
Da kane ka jingpynjlan ia ka rta shong thiat ka jong ki doctor ka long ban iarap ha kaba ai jingsumar ha kaba ia dei bad ka koit ka khiah bad ha ka juh ka pork an ai jingiarap ruh ha kaba pyntrei kam ia ki skhim jong ka sorkar ha ka liang jong ka koit ka khiah ha ka ri baroh kawei.
