Shillong, Nailur 26: U Bah RB Shadap u la iathuh ba ki nongialam na Ri Bhoi na ki seng sain pyrthei bapher bapher kila leit ban ia kynduh ia u Dr DD Lapang ha iing sah jong u bad ha kane ka jingiakynduh kila shim ia ka rai ban ai ka jingkyrshan ia u kum u nongialam jong ki.
Ki riew rangbah ka thain kiba la leit ban ia kynduh ia u Dr Lapang mynta ka sngi ki long u Bah Donlang Sohklet, Bah Filed Marshal Mawphniang, Bah RR Makdoh Ex-CEM ka KHADC bad kiwei kiwei ki riew rqangbah na ka thain Ri Bhoi. Kane ka kynhun kan sa pynlong ia ka jingialang paidbah ha u bnai ban wan.
Lah ban kdew ba ha kine ki khyndait sngi ki nongialam seng sain pyrthei, ki nongialam jong ka seng BJP bad ki nongialam jong ka seng UDP kila leit ban ia kynduh ia u Dr Lapang bad ha kane ka jingleit ban ia kynduh kila pynsngew ba lada u lah ban ia treilang noh bad ki.
