Rai pynrem ka iing bishar ia u Bah Wanmi hapoh ka ain POCSO Act ba leh beijot ia ka khynnah

Shillong, Kyllalyngkot 17: ka iing bishar ba don burom jong u nongbishar  Noor-Ain Khan (MHJS), nongbishar bala buh kyrpang na ka bynta ka ain POCSO ha  Jowai. Ha ka 15.01.2018, u la ai ia ka rai ha kaba la rai pynrem ia u  Bah. Wanmi Lyngdoh nongshnong shnong jong ka shnong   Muthlong  West Jaintia Hills District . La rai pynrem ia u hapoh jong ka kyndon kaba 8 jong ka POCSO Act, 2012. Kaba dei bad ki kam leh beijot.

Dei ha ka 22.05.2015 kala don ka jingujor hapoh jong ka Jowai Police Station da ka kmie jong ka Khynnah ba ka khun jong ka kaba dang 11 snem kala shah leh beijot ha u Bah Wanmi Lyngdoh ba la 20 snem ka rta. Ia kane ka jingujor la register mukotduma hapoh jong ka Jowai Police Station, vide Jowai PS Case No. 98(5)15 U/S 4 POCSO Act 2012.

Ia kane ka mukot duma la tohkit da ka OC Kynthei jong ka tnad pulit kynthei jong ka Jaintia Hills  ka WPSI kong kO Tyngkan kaba la kiew kyrdan inspector mynta bad kala ai ia ka jingnishan jong ka ha ka 03.08.2015. Ia kane ka mukotduma la shim bishar hapoh ka iing bishar jong u nongbishar Noor-Ain Khan (MHJS), u Special Judge haba ia dei bad ka POCSO Jowai.

Dei ha ka 15.01.2018 u nongbishar u la ai ia ka rai bad pynrem ia u Bah Wanmi Lyngdoh halor ki kam leh beijot katkum ka kyndon kaba 8 jong ka 8 POCSO Act, 2012. Katkum kane ka rai ka long ban set patok ia u Bah Wanmi lai snem lynter bad ka kuna T.1000/- lada um siew ia kane ka pisa hap set tam sa shibnai na kaba la rai, la ong u SP ka WJH District ha ka kyrwoh kaba la phah mynta ka sngi.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet