Shillong, Nailar 10: Ka Ri-Bhoi District Youth Congress, kala rakhe ia ka sngi kyrpang ka jong ki ban kynmaw burom ia ka sngi seng ia ka Indian Youth Congress (IYC) da kaba leit ban ai jingiarap ia ki ba pang ba shitom nianglyngkut kiba don ha Shantivan, Nongpoh ia kaba la peit lari la sumar ia kid a ki shister Missionaries Charity ha Leprosy Rehabilitation Centre.
Ha kane ka sngi rakhe ia ka sngi seng ia ka IYC, la don lang u president jong ka Ri Bhoi District Youth Congress u Rajesh Lapang bad ki nongkit kam jong ka seng IYC jong ka Ri Bhoi District. Ha kane ka sngi na ka liang jong ka RBDYC kala ai ia ki jingiarap ia ki briew kiba don ha kane ka jaka ai jingsumar bad ha ka juh ka por kila sam ruh ia ki jingbam sha kiba pang ba shitom.
Ha kane ka sngi kala don ka jingialang kaba lyngkot ha kaba la ioh ia ka jingkren na u president jong ka RBDYC bad kum juh na ki sister kiba peit ia kane ka jaka ai jingsumar ia kiba pang ba shitom ha kane ka sngi kiba la shah sumar ha kane jaka kila ia kmen lang bad kidkhot jong ka IYC.
