Shillong, Lber 09: ka ICAR kum shi bynta ban burom iaki riew kynthei kala pynlong ia ka jingrakhe ia ka sngi burom jong ki kynthei ha Umiam Ri Bhoi District haka sngi International Women’s Day.
Ha ka jingkren jong ka Dr K Puro Principal Scientist ICAR Research Complex la pynlong ia kane ka sngi ban burom kyrpang ia ka sngi burom jong ki kynthei ka long ban hikai ba kumno ban burom iaki kynthei ha ka imlang sah lang.
Haka jingkren ka Dr Prathibha Kulsherestha, ka nonghikai histori hapoh jong ka Delhi University , kala ong ba ki kynthei ha kane ka juk kaba mynta ki don ia ka bynta kaba khraw ban ia don bynta lang ha kiba bun ki kam ha ka imlang shah lang.
U Dr Bhavna C Soso Medical ophisar u la ong ba kumno ki long kmie ki don ka bynta kaba khraw ha ka imlang sah lang ha kaba peit ia ka iing ka sem bad ban ia don byntalang ha ka kam paidbah. Ha ka jingkren jong ka Swapna Deb Kanango Branch Manager State Bank ICAR Umiam Branch kala ban jur ban ai ka jingnang jingstad iaki kynthei.
Kiwei kiba la kren ha kane ka sngi ki long u Chief administrative officer u K. K Kulshrestha director Dr K. K Baruah, ha ka jingkren jong kine baroh arngut kila ban jur ia ka phang ba dei ban hikai ia ki long kmie ba kin sngewthuh ia ka hok ka bynta ka jong ki. Ha kane ka sngi da ki spah ngut ki long kmie kila ia shim bynta ha kane ka jingrakhe ia ka sngi burom kyrtpang jong ki kynthei.
