Shillong, Lber 8: ka jylla Meghalaya mynta ka sngi kala rakhe ia ka International Women’s Day, ha kyllengki bynta jong ka jylla. Ha Garo Hills la rakhe ha Dikki Bandi Stadium, West Garo Hills, Tura bad ka thong ka long “To ngin tur sha khmat ban kiew sha Jrong” ia kane la rakhe ha ka jingiadon bynta lang ka tnad District Social Welfare Office, Tura bad ka Meghalaya Rural Bank.
Ha kane ka sngi ka kynhun ki seng kynthei bad ki kynhun trei lang na kylleng ki bytna jong ka Garo Hills kila pynlong ia kane ka sngi ban rakhe shah kynmaw ia ka sngi burom jong ki kynthei ha shityllup ka pyrthei. Ia ka hok jong ki kynthei la kren da Dr. Minakshi A Sangma Superintendent, Civil Hospital, Tura, Ka Balsa B Sangma, President Mother’s Union, Tura, ka Emika Lyngdoh, Representative, Meghalaya Rural Bank bad ka Rockime Marak, Advocate.
Ha ka jingkren jong u Ram Singh, Deputy Commissioner, West Garo Hills u la ai khublei ia ka kynhun Bakdil bala pynlong ia kum kane ka jingialang paidbah, u la ong wat la kylla Meghalaya ka dei ka jylla kaba don ka jingburom kyrpang ia ki kynthei hyrnei bun sien ki shynrang ki dang shim ia ki bynta kiba ha khmat.
Ha kane ka sngi ka ophis jong ka District Social Welfare, West Jaintia Hills kala pynlong ia kane ka jingrakhe ba burom ia kane ka sngi jong ki kynthei hapoh jng ka iing Durbar Chnong Chyrmang Nein, Chymang halor ka juh ka phang ha kaba ka kong Tina Lakiang, dkhot jong ka Child Welfare Committee, West Jaintia Hills kala long ka kongsan ha kane ka sngi bad u Bah M. Pde, District School Education Officer u la ong u shah khot kyrpang.
Ha ka jingkren jong ka kong Tina Lakiang,kala ong ba ki riew kynthei ki don ia ka bynta kaba kongsan ha kane ka pyrthei namar dei ma ki kiba la shim ia ka bynta ban pynheh pynsan ia ki mynsiem briew. Dei ka long kmie kaba hikai ia ki khun ban iaid ha la lynti kaba dei.
Ban pynurlong a ka phang pdeng jong kane ka snem ban rakhe ia ka sngi burom ia ki kynthei, ka haka jingkren u bah Pde u la ban jur ba dei ban phah ia ki khun jong ki sha ki skul, u la ong ba dei tang ka jingstad kaba lah ban kyntiew sha ki kam kiba sha jrong.Kiwei kiba la kren ki long u Bah L Suchiang muktiar ba dei na ka District Legal Services Authority.
Ka kong J.Synnah, District Social Welfare Officer,u la ong ba ha kane ka sngi dei ban kynmaw ba ka kynthei ka dei ka jingai kaba kongsan tam na u nongbuh nongthaw bad kala ban jur ba ha man ki shnong ki dei ban don ki seng kynthei ba ki lah ban trei na ka byhnta ka bha ka miat jong ki shnong ki thaw.
