Shillong, naitung 17: Ki seng bhalang bapher kila pynlong ia ka jingleh burom ia ka lyngkhuh sngi iap ba 185 snem jong u khlawait ka jaidbynriew u Tirot Sing Syiem Syiem jong ka Hima Nongkhlaw u ba la iap ha byndi ha ka kti jong ki phareng ha Dhaka.
Ha kane ka sngi ka seng HYC kala pynlong ia ka jingleit buh syntiew ha u mot jong u Tirot Sing u ba la shna kyrpang da ka sorkar ban sah kynmaw ha State Central Library Shillong ha kaba ki dkhot ka seng kila pynlong ia ka jingbuh syntiew ha katei ka jaka
Ha kane ka sngi la ioh iaka jingkren na u samla Enlang Sawian General secretary HYC Shillong City bad na u bah John lyngdoh President HYC Shillong City ha ryngkat ka jingdonlang u bah Franky kharumnuid Vice President Shillong City.
U samla Enlang Sawian Haba ai jingkren ha Kane ka sngi, U la ong ba ka jingrakhe pyndonburom iaka lyngkhuh sngi iap ba 185 snem Jong une u khlawait ka Jaitbynriew Kam dei ban kut lane ngin kynmaw tang ha Kane ka sngi, Hynrei Kum ki dkhot Jong ka HYC ki dei ban bud iaki Matti kiba une riewialeh u la bet kata ban ngin iakhun khlem jingpyndem lane kynrandien ha ki jingiaid lynti bad ki jingiakhun Jong ka Seng.
U la Ong ruh Kum ki dkhot ka Seng, ki dei ban skhem ka nongrim treikam, laka dei ha kano kano ka bynta ruh.Bad ngim dei ban ailad ba ki nongrim Jong ngi kin tlor Noh tang shiteng por lane ngin ngop bad shah pynthame Noh ha ki sbai Rupa.
U la Ong ruh ba Haba ngi shakri iaka jaitbynriew, ngi shakri ruh ia u Blei, kumta ngi dei ban niew kyntang bad shakri hok iaka Ri bad ka jaitbynriew. U la pynkynmaw ruh ba Kane ka sngi ka dei ruh ka sngi Jong ka Jingdap 6snem kynthih Jong ka HYC,bad kumba ka HYC hi naduh kaba sdang la Seng bad ieng halor ka nongrim ban dawa pyntreikam Mardor iaka Inner Line Permit hapoh ka jylla.
kum ki dkhot Jong ka seng ngi dei ban tip ba ka Seng haduh mynta mynne ngim pat shim la pyndem lane kylla nongrim ha ki jingiakhun na bynta ki dawbah Jong ka Jaitbynriew. Hynrei u la kyntu ia ki dkhot ka Seng ban long lupa kiba la pynkhreh ban mih madan lada ki mat jingdawa Jong ka seng Kim urlong.
Na ka liang jong ka KSU kala pynlong ia kane ka jingbuh syntiew ban rakhe ia kane ka sngi ha khmat u dur mot ha Mawdan Iewrynhep, ha kane ka sngi ki nongkren ki long u Samla Lambokstarwell Marnger President ka seng bad kiwei kiwei ki nongialam.
Ha kane ka sngi na ka liangjong ka NPYF ka seng samla jong ka NPP kila pynlong ia ka jingakhusnam ha kane ka sngi ha ka jingialang kaba la pynlong ha State Convention Centre ha kaba u myntri rangbah ka jylla ruh u la ia don lang.
