Shillong, Iaiong 13: Ka North Eastern Institute of Ayurveda and Homoeopathy, Mawdiangdiang, Shillong, hapoh ka Ministry jong ka AYUSH, Government of India, ka la rakhe ia ka “World Homoeopathy Day” 2019, kaba long ruh ka sngikha kaba 264th jong u Dr. Christian Friedrich Samuel Hahnemann, u nongshem ia ka Homoeopathy. Ka jingrakhe ka la long ha ka jaka jong ka NEIAH ha Mawdiangdiang naduh ka por 10:00 mynstep haduh 3:00 janmiet.
Ia ka program lah sdang da kaba thang “sharak” bad pynkup burom da u syntiew ia ka dur jong u Dr. Samuel Hahnemann, u kpa jong ka Homoeopathy. Lah ai ia ka jingkren pdiang sngewbha da u Prof. Dr. P.K. Goswami, Director, NEIAH. Kiba long kongsan ha kane ka sngi u dei u. Prof. (Dr.) Samir Kumar Bhattacharyya, Former Director, National Institute of Homoeopathy, Kolkata bad I Dr.Mrs. C.A.R. Diengdoh, CDC, NEHU, Shillong.
Ha ka jingkren jong I , I Dr Mrs C.A.R Diengdoh I la pynpaw ia ki jingeh bashem ha ka tnad AYUSH bad ban wad lad kumno ban pynkiew ia ka tnad AYUSH ha ki por ki ban sa wan da kaba ban ha ki lai tylli ki mat ba kongsan kiba long ha ka jingpule puthi (Academics), ka jingwad bniah (research) bad ki outreach program kiba pher bapher.
Ha ka jing kren jong u, u Prof. Dr. Samir Kumar Bhattacharyya u ruh , u la pynpaw ia ki jingeh ha ki lad jingai jingsumar ha ka liang ka Homoeopathy. U bynrap shuh shuh ba dei ban pynshlur ha ka liang ka jingai jingsumar homoeopathik khlem da ap khmih ia ki lad ki lynti na ka liang ka sorkar.
Hakane ka sngi ruh la pynkup burom ia ki phra ngut ki Doktor homoeopathik kiba na kylleng ka jylla north-east kiba lah noh synniang shibun ha ka tnad jong ka homoeopathy. Kiba lah shah pynkup burom ki long kumne, Dr.D.Khar Raswai, Registrar, State Board of Homoeopathic Medicine, Meghalaya; Dr. Dhiren Ch. Senapati, Ex-Principal Incharge, Dr. J.K. Saikia Homoeopathic Medical College, Jorhat, Assam; Dr. Sailendra Nath Kalita, Principal Incharge, , Dr. J.K. Saikia Homoeopathic Medical College, Jorhat, Assam.
Dr. Dhiren Ch. Das, Principal Incharge, Assam Homoeopathic Medical College and Hospital, Assam; Dr. B.V.S. Murty, Tomo Riba Institute of Health and Medical Science, Naharlagun, Arunachal Pradesh; Dr. T. Bendangtula, Assistant Director, I/C AYUSH, Directorate of Health and Family Welfare, Nagaland; Dr. N. Birkumar Singh, Ex-incharge RRI (CCRH) Manipur; Dr. Mara S. Thansiami, Deputy Director (AYUSH), Mizoram.
Ka la don ruh ka scientific Programe ha ka ba u Prof. (Dr.) Samir Kumar Bhattacharyya u la ai jinghikai ha ka phang “Study of Homoeopathic Materia Medica aimed to Clinical Practice”.
Ka la don ka jingai khusnam ia ki khynnah pule ka NEIAH kiba lah shim bynta ha ka jingthoh essay. La pynkut ia kane ka program da ka jing ai kren khublei da u organizing secretary, Dr O.P.Patel bad kumjuh ruh na u director jong ka institute, u Prof Dr P.K.Goswami.
