Rakhe ka NYKS Meghalaya ia ka ‘World Bicycle Day’ lyngba ka rally ki cycle ha Shillong

Shillong, Jylliew 03: Ka Nehru Yuva Kendra Sangathan’s (NYKS) jong ka Meghalaya mynta ka sngi ka la pynlong ia ka rally jong ki cycle ha Shillong ban rakhe ia ka World Bicycle Day.

Da kaba bud lang ia ki prokram ha kylleng ka ri ha kane ka sngi, kane ka kynhun hapoh ka Tnat Youth Affairs ka la pynlong ia kane ka rally jong ki cycle khnang ban ai mynsiem ia ki briew ba kin im ia ka jingim kaba niewkor ia ka koit ka khiah.

U Additional Deputy Commissioner, East Khasi Hills district, u M S Sangmau la long u kongsan jong kane ka prokram mynta ka sngi. U la pyllait ia ki cycle na ka Youth Hostel, Shillong ha ka por 6:30 mynstep.

Kiba la wan ban ia shim bynta ki don 75 ngut ki nongniah cycle kiba kynthup ki shynrang bad kynthei, bad kiba don ha ka rta bapher bapher ki la iashim bynta ha kane ka rally kaba rakhe ruh ia ka Azadi Ka AmritMahotsav – India@75.

Ha ka jingkren jong u, u kongsan u la kdew sha ka jingdonkam bad ki jingmyntoi kiba ioh na ka jingniah cycle man ka sngi bad u la ai mynsiem ia ki briew ka Meghalaya ba kin pdiang ia ka jingniah cycle kum shi bynta jong ki kam jong ki na ka bynta ka koit ka khiah.

Ka jingiaid kjat bad ka jingniah cycle kan pynduna ia ka jingma na ki jingpang klongsnam, jingpang shini bad kiwei kiwei bad kan ai jingmyntoi ruh ia ka mariang namar kine ki iarap bha ha kaba iadei bad ka jingkhuid jong ka mariang, u la ong. U Additional Deputy Commissioner u la sam ruh ia ki certificate sha kito kiba la iashim bynta ha kane ka rally.

Ka NYKS, Meghalaya ka la pynlong iakane ka rally ha ka jingiatreilang bad ka Meghalaya Cycling Association, ka Directorate of Sports & Youth Affairs bad ka Pay for Right Football Academy.

U Assistant Director, DYSA, ka Sorkar Meghalaya, u P B Warjri, State Director, NYKS, uAtul J Nikam, u Deputy Director NYS Meghalaya, u D Rapsang, u President, Meghalaya Cycling Association, uLeningBareh, u Vice President, MCA, uBanshanKhyllaitki la iadon lang ha kane ka sngi ha ryngkat kiwei kiwei.

U Myntri ka tnat Youth Affairs & Sports jong ks Sorkar Pdeng, u Anurag Thakur mynta ka sngi u la plie ia kane ka prokram kaba long ha kylleng ka ri na Major Dhyan Chand Stadium, New Delhi. Ka NYKS India ka la pynlong ia ki rally cycle ha ki nongbah jong 35 tylli ki Jylla, Union Territory.

Ka jingthmu ka dei ban ai mynsiem ia ki briew ba kin pdiang ia ka jingniah cycle kum shi bynta ki kam ba man ka sngi jong ki khnang ba kin don ka met kaba khlain bad ba kin lait ka jajingsngain, jingjaituh, jingkhuslai, ki jingpang bad kiwei kiwei.

Ka jingpdiang ki briew ia ka jingniahcucle kan plie lad shuh shuh ruh ia ka jingpynduna ka jingpynmih carbon. Lyngba ka jingrakhe ia ka World Bicycle Day, la ai lad ia ki briew ba kin kut jingmut ban kilan met 30 minit ha ka shi sngi ha ka jingim jong ki “FITNESS KI DOSE AADHA GHANTA ROZ”.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet