Rakhe ka SHG shnong Khanduli ia ka sngi kha u Mahatma Gandhi da kaba pynkhuid shnong

Khanduli, Risaw 2: Ka kynthun treilantg  “Self Help Group” jong ki kynthei jong ka shnong Khanduli kaba hap hapoh jong West Jaintia Hills District, khappud bad ka Karbi Anglong District ka jylla Assam mynta ka sngi kila rakhe ia ka sngi kha kaba  151 u Mahatma Gandhi da kaba pynlong ia ka jingpynkhuid shnong.

Ha kane ka sngi da ki phew ngut ki dkhot jong ka SHG ka shnong Khanduli, kila ia mih paidbah ban pynkhuid ia ka shnong ka thaw bad khamtam eh ia ka surok bad ia ka iew hapoh ka shnong Khanduli.

Haba ia kren bad ki dkhot jong ka SHG Khanduli kila pynpaw ba wat la ki don sha nongkyndong hynrei ki kwah ban pynlong ia ka shnong jong ki kaba khuid kaba suba bad kane ka jingpynkhuid ka long ban hikai ia ki paidbah ha shnong ha thaw ba kin long kiba leh khuid khlem da bret pathar ia ki jakhlia ha lynti syngkieng.

Katkum ka jingkhein kaba la ioh ka shnong Khanduli kala dei kawei na ki shnong kiba heh ha ki nongkyndong namar haduh mynta kala don haduh 500 tylli ki tnum iing. Kane ka shnong ka long ha khappud bad ka jylla Assam.

 

What Next?

Recent Articles

Leave a Reply

Submit Comment

*