Shillong, Nohprah 01: Ka kynhun sh
ipai Border security Force mynta ka sngi kala rakhe ia ka jingdap 54 snem jong kane ka kynhun shipai naduh ba la sdang ia ka ha kum kane ka sngi ha u snem 1965. Dei kane ka kynhun shipai kaba la mat nyngkong ia u kuli na ki shipai jong ka Pakistan bad Bangladesh ha ka jingiada ia u pud u sam jong ka Ri.
Kane ka kynhun shipai ym tang ba ka don ha ki khappud ban iada ia u pud u sam jong ka Ri, hynrei kala trei ruh ia ka kam ban ia khun pyrshah ia ki kam lehnoh ha ka Ri khmatam eh ia ki lehnoh kiba hapoh jong ka Ri.
Ia ka khappud India Bangladesh la aiti ha kane ka kynhun shipai ban pahara, ha Meghalaya ki hap ban peit ia ka khappud kaba jrong haduh 444 km bad ka Bangladesh, hapoh ki 9 tylli ki battalion bad 8 tylli ki company la pyndon kam ha kiwei ki bynta jong ka Ri.
Kane ka kynhun shipai ym tang ba ka ai jingiada ha ki khappud hynrei kala leh ruh bun kam ki kam ha kaba iarap ia ki briew kiba don ha khappud ba kyntiew ia ka ioh ka kot ka jong ki, kum ha Khasi Hills, Jaintia Hills bad kum juh ga Garo Hills bad kum juh ki jinghikai ia ki samla ha ka ioh kam ioh jam.
Mynta ka sngi ka kynhun shipai BSF kala pyndon burom ruh ia ki shipai jong kane ka kynhun kiba la aiti ia lade namar ka Ri da kaba pynlong ia ki jingrakhe ha kylleng jong ka Ri India. Kane ka kynhun shipai ka ia treilang ruh bad kiwei ki kynhuns hipai jong ka Ri bad kum juh bad ki pulit jong ka jylla ha kano kano ka jaka kaba ki don.
Ha kane ka shisnem ki BSF kila ioh ban kem ia u wei u dkhot jong ka Bangladesh Tiger Force, u wei u lehnoh jong ka GNLA, lakem 23 ngut ki khar Bangladesh bad shibyn tylli ki tiar siat, ki shipai BSF ki long kiba peitngor ia la u jong u paud u sam bad kum juh ia ki paidbah nongshong shnong jong ka Ri ha khappud.
Ha kane ka sngi u Rajnikant Mishra, IPS, DG BSF bad u L Mohanti, IPS, IG BSF Meghalaya Frontier kila ai ka jingkhublei kaba kyrpang ia baroh ki shipai BSF ha kane ka sngi kynmaw kyrpang ia ka jingdap 54 snem jong kane ka kynhun shipai naduh ba la sdang ia ka.
