Shillong, Nohprah 10: Mynta ka sngi ki shipai Border Security Force kila pynlong ia ka jingrakhe ia ka jingdap 75 snem jinglaitluid ka Ri India ha shnong Sohbar ha East Khasi Hills District ha phyllaw ka skul Rama Krishna.
Kane ka shnong Sohbar ka don ha khappud bad ka Bangladesh, ki shipai BSF kila tem ia ki jingtem kiba pynsngew ia ka jingieit ri, kane ka long ban pynrung sha ki briew ia ka mynsiem ieit ia la ka jong ka Ri .
Ha kane ka sngi da ki spah ngut ki paidbah na ka shnong Sohbar ryngkat ki khynnah skul kila wan ban ia shim bynta ha kane ka jingrakhe ia ka jingdap 75 snem jong ka Ri India naduh bala ioh ia ka jinglaitluid, hakane ka sngi u Swami Anurag Nandha Maharaja ba dei peit ia ka skul RKM Sohra la longu kongsan.
Ha ka jingkren ki u heh ki shipai BSF, ha kane ka jingrakhe pyndon burom ia ka jinglaitluid ka Ri, la ong ba kane ka long ban wanrah ia ka jingsngewthuh ia ka jinglong kawei ha ka Ri bad kane kala pynrung ia ka jingmut jingpyrkhat ha ki khynnah skul bad ia kane ka jingrakhe la sdang naduh ka 01/12/2022 bad kin pynkut ha ka 15/12/2022.
