Shillong, Nohprah 07: Ka seng HYC Mynta ka sngi ka la kynmaw burom ia ka lyngkhuh sngi khlad ba 25 Jong U Bah Bull N Ly
ngdoh u khla kawait ka jaidbynriew Hynniewtrep.
Ia Kane ka jingialang la pynbit pynbiang da ka HYC malki circle. La ia don Lang ki dkhot ka seng kmie , shillong city , ki Rangbah Dong ka shnong malki , Ka JSU shillong city bad kiba ha ing u Bah Bull N Lyngdoh.
Haba ai jingkren , na ka liang ki nongkren ki la pynpaw ba Ka jaidbynriew ka Donbok ban Don Ia U Bah Bull lyngdoh uba la Len lade na bynta ka jaidbynriew Hynniewtrep.
U Robertjune Kharjahrin president ka HYC u la pynpaw ba ha ka HYC u Bah Bull lyngdoh um dei tang u nongialam sengbhalang hynrei u khlawait ka jaidbynriew , u la kyntu ruh ia ki samla ban bud ia ka dien jat bad ban ieid ia ka RI Kumba long u Bah Bull lyngdoh.
U la pynpaw ruh ba Ka HYC Kam pdiang ia ka citizenship amendment bill 2019 bad Kan iakhih ban pyrshah ia Kane ka Bill. Ha ka juh ka por u la ther tyngeh Ia u Lat uba la pynslem ban mynjur ia ka MRSSA amendment ordinance 2019 ka Ain kaba Don ia ki Bor bad ka itiar Jong ka ILP bad u la dawa ba u lat u dei ban soi Noh mardor ia Kane ka Ordinance.
