Shillong, Kyllalyngkot 02: Ki pulit jong ka nongbah Shillong kila trei shitom bha ha ka miet ban rakhe ia u snem thymmai ha ka 31 tarik jong u bnai Nohprah. Kane ka jingtrei shitom jong ki pulit kala pynlait ia ki ba bun ki jingmynsaw mynta u snem.
U Superintendent jong ki pulit ba dei peit ia ka nongbah Shillong u Bah S Rynjah haba kren ha u SP News Agency u la iathuh ba ha ka meit 31 tarik Nohprah ban rakhe ia u snem thymmai kan shym don kano kano ka jingiatyngkhuh kali ha kane ka miet.
La iathuh ba ki pulit kila ioh ban bat ia pha ngut ki briew kiba la niah kali buiad ha kane ka miet bad ia kine ki phrangut la register mukotduma pyrshah ia ki. Na ka liang jong ki pulit kila peitngor bha ha kane ka miet ban lait na kino kino ki jingmynsaw ha kaba leh kmen ban pdiang burom ia u snem thymmai.
