Shillong, Naiwieng 28: Mynta ka sngi ki lai ngut ki MLA kila phah ia ka shithi resign sha Assembly Secretariat ba kila resign na ka kam MLA kaba ki bat mynta, kane ka jinghair shuki noh ka jong ki ka long ba kin ioh ban leit pyniasoh noh bad ka party BJP ban ia khun ia ka MLA ha u snem 2023.
U bah Himalaya Muktan Shangpliang u la jop na ka tiket Congress na ka 25-Mawsynram Konstitwensi hynrei la mih lang bad leit sha ka party TMC, mynta ka sngi u la resign noh na ka kam MLA khnang ba un lah ban leit pyniasoh noh bad ka BJP ban ia khun ia ka MLA 2023 na katei ka party.
U Benedic R Marak u la jop ia ka MLA na ka National People Party, na ka Raksamgre Konstitwensi jong ka West Garo Hills District, mynta ka sngi u la hair shuki noh ban mih na ka party da kane ka jinghiar shuki un lah ban pyniasoh ia la de bad kiwei ki party. La sngewthuh ba u ruh un leit sha ka BJP.
Ka Ferlin C A Sangma kaba la jop ia ka elelction shiteng samoi na Selsella Konstitwensi na West Garo Hills District na ka party National People’s Party, hynrei mynta ka sngi kane ruh kala hiar shuki noh khnang ba kan lah ban leit sha kiwei ki party, hynrei la sngewthuh ba ka ruh kan leit ban pyniasoh bad ka BJP.
