Shillong, Nail
ar 28: Mynta ka sngi ar ngut ki MLA Independent kiba kyrshan ia ka sorkar Congress kaba la ialam da u Dr Mukul Sangma u Bah Justine Dkhar bad u Robinus Syngkon kiba bat kum ki Parliamentary Secretary hapoh ka sorkar MUA-II kila pyniasoh noh bad ka seng BJP mynta ka sngi.
Kine ki ar ngut ki MLA, u Bah Robinus Syngkon na ka Mokaiw Constituency bad u Bah Justine Dkhar na ka Khliehriat Constituency. Kine ki ar ngut ki MLA kila pyniasoh bad ka seng BJP ha khmat jong u National president jong ka seng u Amit Shah, ha ka jingiadon lang u Ram Madhavji general secretary, u Himata BIswa Sarma myntri pla pisa jong ka sorkar Assam bad u Nalin Kholi.
Na ka liang jong ki nongialam jong ka seng BJP Meghalaya State Unit kiba la don ia don lang ki long u Bah Shibun Lyngdoh President, u Bah JA Lyngdoh Vice President, u Bah Thomas Nongtdu bad kiwei kiwei dei ki nongialam jong ka party na kane ka jylla Meghalaya kila ia don lang ban sakhi ia kane ka sngi kaba kine ki ar ngut ki MLA ki la rung sha ka seng BJP.
Ha kane ka sngi u Bah Stephan Mukhin MLA jong ka Amlarem, u la ai ia ka dorkhas sha u president jong ka seng BJP bad ha kane ka dorkhas ka long ban dawa na ka sorkar BJP Ban sengewbha ban pynlait noh ia u Dewiong ha kane ka jylla Meghalaya na ka jingshah khang. Na ka liang jong ka seng Coal Dealer’s and Miner’s Association ruh kala kyntu ia ka BJP ba kan pynlaitnoh ia kane ka jingkhang dewiong ha kane ka jylla Meghalaya.
Da kane ka jingpyniasoh BJP jong kine ki ar ngut ki MLA na Jaintia Hills kan long ka jingai mynsiem ia ka seng BJP ha kane ka MLA Election kaban long ha u snem 2018 ha kane ka jylla. Na ka liang jong ki nongialam jong ka seng BJP kila kular ba lada ka BJP ka wan ha ka bor ha kane ka jylla kan trei na ka bynta ka roi ka par jong kane ka jylla hi baroh kawei.
