Shillong, Naitung 06: U Sengman R Ma
rak, MLA barim mynta ka sngi u la pyniasoh ia lade bad ka seng UDP len bad palat 300 ngut ki nongkyrshan jong u. La pdiang burom ia u tei u MLA barim bad ia ki nongkyrshan jong u sha ka party da u president ka seng u Dr Donkupar Roy ha ka jingiadon lang u Bah Bindo Lanong, Bah Titos Chyne, Bah Allantry Franklin Dkhar, General Secretary, Dr. Jemino Mawthoh, bad u joint Secretary ba dei peit ia ka Garo Hills, Anand Marak.
Ha ka shithi kaba la thoh da u Sengman R Marak sha u President jong ka UDP, u la pynpaw ba ia kane ka rai la shim ha ka jingialang kaba la long ha ka 22 tarik u bnai Jylliew ha ka jingialang ha Tura ba kin rung sha ka UDP na ka bynta ban ia trei na ka bynta ka roi ka par jong ka jylla bad ia ka Garo Hills hi baroh kawei.
Ia kane ka shithi la phah sha u President jong ka UDP ha ka 4/7/2018 bad na ka liang jong ka party mynta ka sngi kala pdiang burom ia u tei u MLA barim bad ia ki nongkyrshan jong u sha ka seng UDP ha ka jingialang ha kane ka nongbah Shillong ha ka jingiadon lang baroh ki nongkit kam kiba ha khmat eh jong ka party UDP.
