Ryngkat u President ka MPYC  da ki spah ngut tur sha Congress Bhavan ban resign  na ka party

Shillong, Nohprah 03: Ryngkat u President ka Meghalaya Pradesh Young Congress Committee u bah Fernandes Dkhar da ki spah ngut kila tur sha Congress Bhavan ban resign na ka party kum ki dkhot ka kynhun ka seng samla, ia ki shithi la aiti ha u bah Culthberth Sohtun general secretary ka MPYC.

Ia ki shithi resign la aiti da u bah Fernandes ha u general secretary ka MPYC, ha kane ka sngi la aiti lang ruh ia ki jingdeng lama congress, ha kaba la synran lang ia u da ki nongkit dkhot na kylleng ki konstitwensi kiba la ia wan lang ha kane ka sngi sha Congress Bhavan.

Palat spah ngut ki dkhot ka NSUI na kiba bun tylli ki konstiwensi kila mih na MLA Hostel bad iaid da ka kjat sha Congress Bhavan hapoh ka jingialam jong u bah Fernades Dkhar ba dei u president.

Haba kren ha ki lat pathai khubor ha dien ba la resign na ka kam President, la ong ba da ka mynsiem kaba sngewkhia bad ka jingsngewsih ba hap ban resign noh na ka party. La ong ba thung ia u president khlem ia jynjoh kti lang.

Ha dien ba la shah thung ia u bah Vincent H Pala kum u president  ka MPCC la leit ban ia kynduh bad la ong ba don kam ia ka jingiatreilang khnang ba ka party kan jop ha u 2023  hynrei kam shym don kata ka jingiakren bad kane ka kren shai ba kum ki nongialam kila bakla.

La iathuh ba dei ha u snem 2005 ba la u don hapoh ka party Congress ha kaba u dang dei tang u samla pule, la ong ba kane resign jong kine ki dkhot ka seng samla congress ka dei namar ka jingbym nang ki nongialam ka party ban pyniaid.

La ong ba kine ki dkhot jong ka seng samla jong ka party Congress kila ia wan na kylleng ban ai ia ki shithi resign na ka party, ka daw ka long ba hapdeng ka jingpynkhreh ban pynkhlian ia ka MPYC khlemd a ia mir jingmut la pynwai noh ia ka MPYC ha kane ka jylla Meghalaya.

Ka rukom ka juh long hapoh ka party congress ba ka kynhun trei kam kaba hakhmat ka bat ia ka kam haduh ban da ioh ia ka kynhun treikam kaba thymmai, hynrei kaba sngewsih ka long ba la pynwai pynban ia ka MPYC, kane ka jingwan jong ki spah ngut mynta ka sngi sha Congress Bhavan ka long ba ki wan wan resign kum ki dkhot ka MPCC.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet