Sa shitaiew bteng pyni ia ka 9-Lad ha Bijou, 2 Iaiong ha Galleria Anjalee: Commander

Shillong, Lber 31: Ia ka phlim 9-Lad kaba dei ka phlim khasi kaba itynnad bha bad kaba la khring ia kiba bun ki paidbah nongpeitkai yn bteng ban pyni sa shitaiew kata naduh ka sngi thohdieng ter ter haduh ka sngi palei jong ka taiew ka ban wan ha Bijou Cinema. Ha Galleria Anjalee pat ka jingpyni kan bteng naduh ka 2 tarik Iaiong bad ki paidbah ki lah ban leit thied na counter lane book online ia ki tikets na baroh 2 tylli ki cinema.

Ka por ban pyni ha biju Cinema kan long kumjuh kata ha ka por 11 baje mynstep 1 baje nohphai sngi, 3 baje, 5 baje bad 7 baje janmiet. Lah ban kdew hangne ba kane ka phlim kaba la pynmih bad direct da u bah Commander Shangpliang ka dei ka phlim kaba la pynitynnad shisha ia ki paidbah bad kaba la ioh ruh ia ka khusnam best actress na northeast baroh kawei bad kaba la shah nominate ruh kum ka bet film bad best director ha ka prag cine award.

Haba iakren bad u Producer uba dei ruh u director jong kane ka phlim ubah Cammander Shangpliang u la iathuh ba la rai biang ban bteng sa shitaiew namar bun ki paidbah haduh mynta ka sngi ki dang iai wan ban ai jingkyrshan ban peit ia kane  ka phlim.

“Ki paidbah ki dei ban kyrshan da kaba wan peit sha Cinema namar yn nym pyllait ha you Tube bad ka jingkyrshan jong ki paidbah kan long ka jingai mynsiem ianga bad kumjuh ruh ia baroh kiba iadon bynta ha ka phlim 9-Lad bad khnang ba ngin nang lah shuh shuh ban shna ia ki phlim kba itynnad” la ong shuh shuh u bah Commander Shangpliang.

U la ong ruh ba ki paidbah kim dei ban shim ba ka jingpeit plim ka dei ka kam leh pop namar haba peit ia phlim, ki dei ban shim ia ki jinghikai kiba bha, kum ka nuska u bah Shangpliang  la iathuh ba lyngba ka phlim 9-Lad u kwah ban phah ia ka khubor ba kum ki longkpa ki dei ban don ka jingkitkhlieh ia ka iing kasem, kim dei ban kyrni ha ka kyiad bad kumjuh ruh na ka bytna ka kynthei ba da lei lei kim dei ban ngop ha ka kam khaii met, nalor ka khubor jong ka jingieit bad ka jingmap, u la bynrap.

 

What Next?

Recent Articles

Leave a Reply

Submit Comment

*