Shillong, Jymmang 17: Mynta ka step namar ka jingjur jong u slap ka surok bah NH-06 kaba pyniasoh ia ka Khliehriat bad Silchar kala sahkut ka leit ka wan namar ka jingtwa khydnew ha shnong Kuliang kaba hap hapoh jong ka East Jaintia Hills District.
Ki pulit ka East Jaitnia Hills kila iathuh ba kane ka surok kala sahkut bad ki kali ba wan na Silchar ruh kila sah kut bad kiba mut ban leit sha Silchar ruh kila sah kut, ki bor jong ka District kila ia leh katba lah ban pynlait ia kane ka surok.
Na ka bynta kito kiba sah kut na ka daw jong ka jingtwa ka surok na ka liang jong ki pulit kila ai ka jingiarap ban pynlait ia kiba sah kut ha katei ka jaka, kane ka long katkum ka jingpyntip ka tnad pulit na East Jaintia Hills lyngba ka twitter.
Mynta ka sngi ki pulit jong ka West Jaintia Hills District kila pyntip ba kala don ka jingtwa khyndew ha ka jaka ba la tip kum ka Demthring ban leit sha Amlarem bad na ka liang jong ki bor ka district ki dang trei ban pynlait ia kane ka surok na ka jingsah kut kali.
