Sahkut ki skhim NERGS ha shnong Kyndong Wahlang dei ka jingleh u BDO Sohiong: Overwell

Shillong, Kyllalyngkot 27: U bah Overwell Lyngdoh u ba la kam ba u dei u Secretary jong ka VEC hapoh ka shnong kyndong Wahlang, u la ong ba ka jingsah kut ban pyndep ia ki skhim jong ka NERGS hapoh jong ka shnong dei na ka jingleh u Block Development officer jong ka Sohiong u Bah B Syngoh.

Haba kren ha ki lat pathai khubor mynta ka sngi ha Shillong Press Club u bah Overwell u la iathuh baha ka 13/08/2019 u rangbah shnong u bah Shngiansing Nongbri u la pynsngeh ia ka jingtrei ban shan ia ki ar tylli ki CC Road kawei ban leit sha lum jingtep ka balang Katholik bad balang Presbyterian. Kum juh ban shna ia ki 10 tylli ki sem syiar bad 10 tylli ki sem sniang.

Ia kine ki jingtrei la jan dep hynrei na katei ka jingwan pynsangeh u rangbah shnong kila hap ban sangeh ia ka jingtrei, haba ki la leit ban ia kynduh ia u BDO na ka liang jong u BDO u la ong ba un pynlong ia ka jingialang ban pynbeit ia kane ka kam ha ka 11/09/2019 hynrei ia kane ruh la pynsangeh ha kaba u BDO  u la ai daw ba phone u rangbah shnong.

Halor kane ka jingleh jong u BDO na ka liang jong ka VEC kala ujor sha ka Deputy Commissioner  jong ka East Khasi Hills District ban pynbeit ia kane ka jingeh, ha dien kane ka jingujor ha ka 21/11/2019 u BDO u la pyntip ba kan don ka jingtohkit bad ha kane ka jingtohkit ym shym la lap ba kan don kano kano ka jingduna.

Ban pynbeit ia kane na ka liang jong u BDO u la bthah ia ki bor shnong ba kin ia soi kyrteng napdeng kiba don ia ka Job Card bad ia kiba ioh bun ia kita un ai ka jingithuh, ha kane ka jingiasi kiba don ha ka liang jong ka VEC kila ioh 71 ngut bad na ka liang jong u Rangbah shnong u la ioh 59 ngut. Kaba sngew lyngohka long ba u BDO u la pynrung kyrteng sop sop sa kumba 12 tylli ki jopn Card.

U bah Overwell u la ong ba ka jingleh thok jong u BDO kala paw ha ka kaiphot, ba ka shnong kyndong Wahlang ka don 128 tylli ki thmu iing bad kiba don ia ka job card ki don 112 tylli, hynrei na ka jingiasoi kyrteng kala kot sha ka 152 tylli ki thmu iing, 71 na ka liang jong ki bad 81 na ka liang jong u rangbah shnong. Wat hadpeng kine ki jingeh u BDO u ai ia ka jingmynjur ia ka kynhun u rangbah shnong.

Na ka liang jong u Bah Overwell u kyntu ia ki bor ba halor bad kum juh ia ki seng bhalang ba kin ia peit lem ia kane ka jingeh ka shnong kyndong Wahlang namar ka jingleh jong u BDO kala wanrah ia ka jingeh kaba khraw hapoh jong ka shnong.

What Next?

Recent Articles

Leave a Reply

Submit Comment

*