Shillong, Nailur 09: Kum s
hibynta na ka jingpyntrei kam ia ka skhim Solid Waste Management Project ha Nongbah Shillong, u Bah AL Hek MLA jong ka Pynthorumkhrah ha ka jingiadon lang ki rangbah shnong u la sam 3000 tylli ki borti bret niut.
Ha ka jingkren jong u Bah Hek u la ong ba ka dei ka kamram jong uwei pa uwei u nongshong shnong ban don ia ka jingkit khlieh ban wanrah ia ka jingkhuid jingsuba hapoh ki shnong ki thaw ki dong bad ki shnong kaba ki shong ki sah. U la ong haba ka khuid ka shnong ka thaw, ki sawdong sawkum jong ka iing ka sem ka khuid ka sor Shillong.
Haba khuid ka shnogn ka thaw, ka sor bad ki iing ki sem ki paidbah ki lait na bun ki jingpang jingshitom, u Bah Hek u ban jur ban don ka jingiatreilang ha kaba wanrah ia ka khuid ka suba ha ki dong ki shnong bad ki kyntoit kaba ki shnong ki sah bad kane ka iarap ia ka khuid ka suba jong ka Mariang.
Ha kane ka sngi na ka liang jong u MLA kane ka jaka u la pynlait paidbah ruh ia ka kali met met iap, ha kaba la sakhi lang da ki riew rangbah bad ki paidbah nongshong shnong kiba la don ha kane ka sngi.
