Sam computer u u Bah Adelbert MDC sha ki skul jong ka constituency

Shillong, Nailar 13: U MDC jong ka 19th Jaiaw Constituency Bah Adelbert Nongrum u la sam ia ki kor computer ki printer bad ki miet ki shuki computer sha ki skul jong ka constituency haka 11-08-17 haka programme bala pynlong ha Dorbar Hall Lumkshaid.

Ha kane ka sngi  ki principal bad ki nonghikai jong ki skul bapher bapher ki la wan ban ia sakhi bad ban ia don ryngkat ha katei ka sngi. Na ka liang jong u Bah Adelbert Nongrum u la ai khublei ia ki nonghikai kiba la pyllait ia ka por ba kordor jong ki ban ia don ryngkat lang ha katei ka programme ba lyngkot.

U Bah Nongrum  U la pynpaw ruh ia ka jingkyrpang ka jingnoh synniang jong ki nonghikai ki ba saindur ia ka lawei jong ki khynnah bad ki samla ka jylla lyngba ka kam kaba ki trei. U ong ruh ba ka long kaba donkam ban kyntiew ia ka pule ka puthi kat kum ka juk kaba mynta bad ka jingwan jong ka Special Assistant Scheme kala plie lad plie lynti ban ioh ban kner ia ki jingiarap sha ki skul kiba don haka constituency.

What Next?

Recent Articles

Leave a Reply

Submit Comment
*